Mahlakung

#Mahlakung –Sister Millicent o bolela le Dr Lethebe gore Saki o swanetše go tšwa ka nnete ka Robert gore o kae ka ge a tswalana le yena. Naa ke wona mmolelwana wa gore kgomo ka mogobe e wetšwa ke namane ka gore le ge a ngwana a senyeditše batho, gantšhi go solwa batswadi ba gagwe? Naa go nale seo se ka dirwago gore batswadi le meloko ya bo sesenyi ba se tatetšwe ke melato ya bana ba bona goba meloko ya gabo?

#Mahlakung –Phetola o botša Tumi gore o tseba batho bao ba bego ba mo tšhabišitše, gomme o ya go ba bolaya.Potšišo ke gore o ya go ba humana bjang?

#Mahlakung –Sophia o hlakahlakane gore ngwana wa gagwe o nyaka go tla Mahlakung ,gomme botša Malehu gore o nale letšhogo la gore o tlo tseba ka bophelo bjo a bo phelago mo Mahlakung.Naa o tla kgona go phela gabotse ka lethabo le ngwana yo wa gagwe ra bona a eba mma wa maikarabelo goba bjang?

#Mahlakung –Saki o botša Masedi gore dikgolo di sa etla, go sa tlo senyega le go feta. Naa Saki o hlatha eng ka se a se mmotšago sona?

#Mahlakung- Petronella o botšološa Matsobane gore o sa šomišana le Santara naa, Matsobane o kwagala a tšhaba ka nnete.Naa go reng Matsobane  a šireletša yo Santara?

#Mahlakung –Tumi o utswitše senthunya sa Masedi go ya go hlakodiša malome wa gagwe Phetola le Saki moo ba tšhabišeditšwego gona. Naa Tumi o tla e beša wa tuka?

#Mahlakung –Saki o bona mošemanyana a le koloing ya Phetola a swaraswara mabati a koloi ya Phetola, morago Phetola o a hlakahlakana ge a otlela, ge a emiša koloi gore Saki a otlele, ba šupiwa ka dithunya, ba išwa lefelongtsoko leo Saki a sa le tsebego a rego ke lefelo la meago ye metelele. Naa go diragala eng mo?

#Mahlakung –Robert o botša Bra Bizza gore a be le batho gore go be le bohlatse bja gore go timelelela ga Phetola go se gononelwe yena? Naa ke gona ge go fedile ka Phetola?

#Mahlakung –Moruti Kgole o dumelelana le taba ya gore Hlapyadi a iše Mmutlanyana go Malehu gore ba dire gore a lebale ka ba ga Mabona, ka ge a re Hlapyadi o lwela seo e lego sa gagwe. Naa go tla sa bjang ka lapeng la ga Kgole, ka gore tše di dirwago, ga di kgahle Millicent le gatee?

#Mahlakung- Jonjon le Mabatho ba a kgakgana ka lebaka la taba ya gore Mabatho o rata go rwala maikarabelo bjalo ka Morutišigadi, wa go šireletša barutwana kgahlanong le diokobatši, gomme re kwa Jonjon a ngaletša a mmotša gore a sepele yena o tla istholela.Naa phošo ya Mabatho e kae ge a rata go boloka bokamoso bja bana, gona Jonjon o reng a sa thekge mosadi wa gagwe maikarabelong a gagwe bjalo ka morutiši?