Mahlakung

#Mahlakung-Mmalo!Phetola o tlile le case e tletše ka dithunya tša go fapana.Naa ntwa ye a ratago go e thoma ka lebaka la diflat tšeo Bra Bizza a mo amogilego tšona  o tla e fenya ,goba ke gona a ikgogolela magala hlogong?

#Mahlakung-“ Tṧa mohu Zakes le babolai ba gagwe e na le sa yona setopo sa yona”, a mantšu a Bra Bizza ge a botša Badgirl.Naa yoo Bizza o a tseba gore moratho wa gagwe Zakes o bolailwe ke Badgirl goba o a mo tšhošetša gore a rothiše  mmutla madi?

#Mahlakung-Matsobane o botša Kgokong gore a tlogele Rethabile le Badgirl ba ratane ka gore ke basadi ba ka se imišane.Naa go tla sa bjang?

#Mahlakung-Bra Bizza le ba bolotabahu ba ganne Zakes a dirwa diteko tša go bona seo se hlotšego lehu la gagwe(Post mortem)?Naa go tla sa bjang?

#Mahlakung-Titi Mabona Machaka o botša Rethabile gore ditaola tša Malehu ga di bone Hassan ka ge e le motho mošweu.Rethabile o mmotša gore di ka se mmone ka gore le yena Titi le ba lapa ga ba mo tsebe ka fao le badimo ba ka se mo tsebe.Naa ditaola di bona fela batho bao re ba tsebago goba ba mmala o rileng?

#Mahlakung-Jonjon o botšiša Sergeant Mampane gore ke ka lebaka la eng bona maphodisa a Mahlakung ba  lesitše ba Zakes Associates ba šomiša dithunya bošaedi lehung la Zakes ka gore go be go nale kgonagalo ya gore ba gobatše ba ba bangwe ba batho bao ba bego ba tlile lehung le gore ga go tsebege ge e kaba dithunya tšeo di molaong naa.Mampane o mo fetola ka gore ga go na seo bona ba bego ba ka se dira ka gore ke setšo sa bona sa go boloko motho wa bona.Naa Jonjon o nneteng goba o a di gagatla?

#Mahlakung-Ba Zakes Associates ba ile polokong ya Zakes Shabangu ,e  rile ge ba fiwa sebaka sa go mo laela bjalo ka bašomimmogo le yena , ba letša dithunya le go rathaganya lepokisi la gagwe ka tšona bjalo ka taelano le yena.Naa ye ke yona taelano ya nnete ya go bontšha bošomimmogo?