Mahlakung

#Mahlakung –Mamabona o kobile Moruti Kgole le phuthego ge ba be ba tlišitše thapelo lapeng la gagwe gore Rethabile a humanege? Naa e a dirala taba ye ya Mamabona ya go gana thapelo, goba Mamabona o hlagelwa ke eng?

#Mahlakung- “Ba beng ba nthuša ba tsamaile” A ke mantšu a Titi  ge a be a bolela le Millicent ,ka ge a gopola gore bao a bego a tshepile gore ba tla mo thuša go humana Rethabile, e lego Badgirl le Sophia ba mo hlanametše? Naa taba ye a e gopolago ke nnete  goba o dio itlaiša ka lefeela?

#Mahlakung –Matsobane  o a rapela o bitša Modimo wa Santara, morago re kwa modumo wa noga.Naa ka seo a se dirago, o tla mo humana Rethabile ?

#Mahlakung –Titi o botša Bra Bizza gore Rethabile o be a kwagala a felelwa ke maatla ka gore a sa je selo le go nwa meetse moo a beilwego gona.Naa ka nnete Bra Bizza ga a tsebe gore Rethabile o kae?

#Mahlakung –Badgirl, Hlapyadi o kgopela Kgokong tshwarelo ya ge a se a ka a boledišana le yena ka sephetho sa go tlogela Mmutlanayana le Salaminah le go ya Gauteng ntle le go mo reriša.Naa re ka re Hlapyadi o fetogile, ke motho wa maikarabelo goba o dio foraforetša yo Kgokong?

#Mahlakung –Rethabile o lla sello se bohloko , o tletše boitsholo bja go se theeletše batswadi ba gagwe.Naa ke tšena tša seema sa gore “ngwana magana go botšwa o wetše dikomeng a re dikoma ke tšešo?”Naa ge maemo a le ka tsela ye, batswadi ba mo lebalele goba ba mmotše gore ke tšeo a ikgethešego tšona, ba mo lahlele matsogo?

#Mahlakung –Matsobane  o koba Alfios gore a phethe ditaelo tša gore a kgone go phološa Rethabile, e bile re kwa ge Alfios a ngangabala a mmotšiša gore o nyaka go bona morwedi wa gagwe Rethabile a hlokofetše naa? Naa Matsobane o hlatha eng ka mantšu a ?

#Mahlakung –Titi o botša Phetola gore Rethabile o be a kwagala a thabile kudu mo mogaleng, le gore o mmoditše gore yena ga se a tšhabišwe ke Robert.Naa go diragala eng ka Rethabile?

#Mahlakung –Baleta dikgoro ba lefelo leo Bra Bizza a tsenego go lona,ba lebile Phetola  ka bontšhi.Morago , re kwa go lla sethunya.Naa go diragala eng gona mo.Sethuny ase , se jele mang?

#Mahlakung- “Leinalebe ke seromo” A ke mantšu a Moruti Kgole ge a be a bolela le Millicent gore ba ga Mabona ba a di bona ka nnete.Naa ke nnete hlathollo ya leina la motho goba sefane sa gagwe di ka dira gore motho a itshware go ya ka hlathollo yeo goba a amege mo bophelong bja gagwe go ka leina leo?