Moruti Kgole o boditse Hlapyadi gore pele ga ge a ka tsea diphetho , o swanetse go mo tsebisa pele bjale ka tatagwe.Naa ke tswanelo gore bana pele ba tsea diphetho ka maphelo a bona ba ame batswadi ba bona pele goba bjang?

He!He!Di a boa ka Mahlakung.Phetola o bona Sophia a nale Bra Tick kua Tick’s corner, o kwa bohloko, o nagana gore ba a ratana, gomme o romela Titi molaetsa gore a tle a kgone go ba bona ba le mmogo a thube lenyalo la Tick,gomme Titi ge a ba humana ba le mmogo o hlakana hlogo o nagana gore ba a ratana.Naa Sophia le Tick ba a ratana ka nnete goba bjang?

Matsheko o eletsa Masedi go tlogela go lwela ditshelete tsa Phetola pele ba itshola, gomme Masedi o gana thaa, o bolela gore yena a ka se tlogele Sophia a itirela boithatelo ka ditshelete tsa gabo, o re o tlile go di nyakolla go fihlela a ehwa.Masedi o bothateng ka nnete, naa a dire eng ge go le ka tsela ye?

Mmaweeee! Phetola Gentle Lethebe o ile khamphaning ya Jonjon go yo nyakana le Brandon.O befetswe o re fuu, o robaganya le dithoto tsa Jonjon ge a sa mo humane, o mmotsa gore Mahlakung ke ye nnyane kudu go yena gore a humane Brandon.Naa e kaba se ke taetso ya gore o nyaka go bolaya Brandon a fetse ka yena goba bjang?

Ai!Ai!Ai!Go utullutswe gore Phetola Lethebe ga a sa na le ka sente, Sophia o e gogotse kamoka tshelete ya ga Lethebe. Naa ekaba kegona go wa ga Phetola Gentle Lethebe goba bjang?

Motlaika, Alfios , o botsa Sergeant Mampane gore banna ba go swana le yena le Jonjon, e no ba dipati tsa batho.Ha!Ha!ha! o re basadi nkhokho!!!!

Titi le Petronella ba fapana ka baka la gore Mamabona o feleseditse Mochichi Pre School mola Petronela a se a ye mosomong e bile Titi o re yena le Matsobane ba swanetse go lefela Mamabona ka gore ga se nanny ya bona .Naa ke phoso gore Mamabona a ise Mochichi Pre School mola mmagwe Petronela a le gona a se a ye mosomong, gona Titi o bolela nnete ba swanetse go lefela Mamabona?

Jooooo!Phetola Gentle Lethebe o botsa Masedi gore mohlang a thoma go actor ba tla mo tseba bokaone.Naa Phetola o beakantsha go dira eng?

Moruti Kgole o ganetsa Badgirl go tsenela tsa dipolotiki ka ge a re ga go kgonege gore ngwana wa gagwe a tsenele dipolotiki mola yena e le Moruti!!!!!!!!!!Mmmalo!!!!

Hee, hee, heee!Rethabile le Titi ba befetswe ba re fuuuuu, ge Badgirl, Hlapyadi a beilwe lenaneong la moketeko wa June 16. Viva Hlapyadi! Viva!!!!!