Mothotsoko o hweleleditše Titi ka wardeng ya Badgirl a leka go mmolaya. Naa Badgirl o tla se utulla bjang sephiri se sa Titi sa gore o nyaka go mmolaya ka gore ga a kgone go bolela?

Konstabel Mpedi o ya go phuruphutša ga Mabona, ka lehlakoreng le lengwe re kwa Mamabona a botša Rethabile gore ge maphodisa a ba swara yena ga a di tsene. Naa Mamabona o reng a hlanamela Titi le Rethabile, o tla e phologa kgolego ka go dira seo?

#Mahlakung –Dipheko tša Malehu di re ba ga Mabona ba bolele nnete. Naa Malehu a ka utulla sephiri sa ga Mabona sa go leka go bolaya Badgirl?

#Mahlakung –Mmalo! Phetola o sega Mampane ka ge a fedile.Naa Mampane o fetšwa ke eng a dio kgotswa ka tsela ye ?

#Mahlakung – Malehu o botša Petronella gore Badgirl a ka hlokofala nako efe goba efe ka gore leru le leso le sa mo potapotile le ka kua bookelong? Naa Badgirl a ka re tlogela?

#Mahlakung –Kgokong o a lla o botša Bra Bizza gore ke yena a dirilego gore Badgirl a šomiše diokobatši a feleletše a humane kotsi ya sefatanaga. Naa ke phošo ya gagwe ka nnete?

#Mahlakung –Ai! Sophia o tšhošetša Tumi gore ge a sa dire seo a se nyakago, o ya go botša Dikeledi gore o be a rekela yena maloba. Naa Tumi o tla bona a dirile eng gona mo?

#Mahlakung –Halalaa! Hlapyadi o phafogile, go tletše lethabo fela .Naa ke gona a phologile Titi le Rethabile ka maano mabe a bona a go nyaka go  mmolaya?

#Mahlakung –Mmalo Titi o fedišitše matšatši a gagwe a maikhutšo. Dr Lethebe o mo kgopela go thuša sehlopha sa go hlokomela Badgirl, naa ke gona ge a atlegile go mmolaya?

#Mahlakung – Motšhitšhi o gwerane le Matilda, o mo rekela dimpho tša go swana le ditšhokolete ,  e bile re kwa a re o tlile go mo nyala ge a godile, a mo rekela koloi ,a mo opelela letšatši ka letšatši. Naa a ka ba a thomile go ratana goba e dio ba bagwera fela?