Margir sem leggja leið sína til Berlína hafa kynnst Berlínunum, en það eru íslenskir leiðsögumenn sem fara með Íslendinga í túra um borgina og sýna helstu sögustaði. Upphafsmanneskjan er myndlistarkonan og Vestmannaeyingurinn Margrét Rós Harðardóttir. Felix hitti Margréti Rós í Berlín og kynntist nýjasta áhugamáli hennar en Margrét er farin að rækta garð í miklum sælureit í Pankow í gömlu Austur Berlín ásamt fjölskyldu sinni. Á meðan þau sötruðu kaffið sagði Margrét af garðræktinni, nýja podkastinu og nágrönnunum sem hún hefur kynnst en þar kom Stasi sannarlega við sögu

Svo kíktum við á það sem hefur gerst á deginum 7. júní og Felix sagði hlustendum af heimsókn sinni til Tbilisi í Georgíu.