MDR Serbja – druha snědań

Dźeń do jutrońčki zaběramy so wězo z křižerskimi procesionami. Wothladajo wot toho předstajimy wam tež alternatiwne poskitki, na kotrež móžeće sej jutře dojěć. Druha snědań přeje žohnowane jutry!

Na dźensnišim zelenym štwórtku zaběramy so wězo z jutrami a prašenjom, kak so konjam poprawom tele dny takle wjedźe. Tež dalše prašenje je tema: Bywa křižerstwo dźeń a bóle z luksusom?

Kak so poprawom staršim nowačkow, křižerjow, do jutrow wjedźe a z kotrymi začućemi zhladuja na podawk? Wotmołwu na tute prašenje słyšiće dźensa w druhej snědani.

25. raz je so wčera w Budyšinje swětowy dźeń šulerskeho dźiwadła wotměł - to smy sej wobhladali. Nimo toho wěnujemy so jutram a wětrnikej, kiž je so w nocy na póndźelu mjez Chrósćicami a Zejicami palił.

Zaběramy so z wědomosću a slědźenjom, kaž tež z motocrossom a sportom we Łužicy. Nimo toho poběchmy na 22. čitanskim wubědźowanju w Smolerjec kniharni.

Wčera je so w Chrósćicach debatowało - wo temje "Žony doprědka! Ale jenož za foto?" - běchmy pódla. Nimo toho słyšiće wo bańkach, kiž dopominaja na Frankensteina. A wo po wšěm zdaću změrowacej hudźbje.

Kak běža přihoty na jutry? A na oratorij "Nalěćo", potajkim proby w SLA? A kak pomhaja sej susodźa na serbskich wsach mjezsobu?

Dźensa pohladamy do serbskich zahrodkow: što so tam tučasnje tak dźěła? Podobne prašenje nastupajo Malešanskeje gmejnskeje rady, kiž je so wčera zetkała. A do rěčneho kućika tež pokuknjemy.

W Satkuli zaběrachu so wčera ze spěwanjom w chórach - wurězk z toho mamy za was. Dale słyšiće što sej Serbja w póstnym času předewzaja. A wo financowanju Samow na sewjeru Skandinawiskeje.

Běchmy na prěnich serbskich jutrownych wikach w Berlinje, wěnujemy so składnostnje jeho 80. posmjertnin Benej Budarjej a wězo na póndźeli sportowym wuslědkam kónca tydźenja.