Smy sej zhromadnje ze šulerjemi do Kačeje Korčmy dojěli. Jutry so bliža, tak zo so hižo pilnje jejka wóskuja – štóž to hišće tak derje njewobknježi, móže nětko z pomocu widejow zwučować.

Wuhódnoćimy naš wčerawši aprylski žort – za to pohladamy hišće raz do Worklec. Z nócnymi hawronami a depresijemi so dźensa tež zaběramy, runje tak kaž ze swójbnymi mjenami.

Smy pobyli we Worklecach w tamnišej wyšej šule – tam maja mjenujcy wosebite projektowe dny! Nimo toho zaběramy so ze swětowym dnjom dźiwadła a z koronowej pomocu.

Chcychmy wědźeć, kajke su postajenja při rězanju swójskeho skotu a na čo mamy tam dźiwać. Předstajimy podcastowy rjad “Talkshow Serbowanje” towarstwa přećelow Serbow.

Prěnja lětuša serbska debata pod hesłom “Wutrobnje witani!? 100.000 serbsce rěčacych a kak dale?" je so přewjedła – my běchmy pódla. A wjelryby hraja dźensa tež wažnu rolu – w serijalomaj Crescendo a WWW.

Pohladamy do Zejic na tamniši truck-stopp. Jutry so bliža a tak so poněčim tež dekoracija připodobnja – my předstajimy wam serbsku alternatiwu.

Předstajimy wam swójbu, kotraž chce w přichodźe dźěćom a dorosćenym poskićić, instrument nawuknyć a tež zhromadnje hudźić. Dale wobhladamy sej wšelakore sportowe družiny a kak so wone na strowotu wuskutkuja.

Dźensa zaběramy so mjez druhim z wobswětlenjom w Pančicach-Kukowje, z nowej brošurku, kiž ma dźěćom digitalny swět spřistupnić a z mjezystawom za Astrocentrum Łužica.

W Choćebuzu zaběraja so tuchwilu it-fachowcy a wědomostnicy ze serbskimi žiwjenskimi rumami w digitalnym swěće. W druhej snědani zaběramy so tež z Mauricom Ravelom a z kwantowej mechaniku.

Što su serbske mólby hódne? Kotre wužadanja maja gmejnske rady z hospodarskimi planami? A kak bě schadźowanka lajskich dźiwadłowych skupinow? Wotmołwy słyšiće w druhej snědani.