Tomaty su mjeztym tak daloko, zo móžeš je žnjeć - ale kak to najlěpje činiš?

Crescendo wěnuje so zaso raz něhdyšej serbskej kapale a we WWW podamy so tohorunja do zašłosće - do podobneho časa.

W Budyšinje bě wčera posedźenje Přirady za serbske naležnosće - tam běchmy pódla. Dale wěnujemy so njewěstemu přichodej Sulšečanskeho hosćenca. A Bogna Korjeńkowa komentuje list kotryž je wóndano dóstała.

Beno Šołta bě dźensa rano zaso raz po puću ze słuchomobilom - w Drježdźanskim zawodźe. A do rěčneho kućika so zhromadnje podamy.

W Miłocicach je so wčera finale beachvolleybuloweje tury radija Satkule wuhrał - my běchmy wězo pódla. Dale: Štó płaći za knježny w klóštrje chorobnu kasu? A što su cile serbskich koparskich mustwow za nowu sezonu?

Kónc tydźenja bě tójšto lós - tak na přikład w klóštrje w Pančicach-Kukowje. Lydija Maćijowa bě pódla a wot tam rozprawja. Tež na polu sporta so wjele hibaše - a dźensa wječor so hišće raz w Miłoćicach w pěsku hibaja.

Naš reporter Beno bě zaso po puću - tutón raz w Ralbicach w molerskej firmje.Nimo toho swjeći format MP3 dźensa 30-lětny jubilej.

Nowe šulske lěto je nimale tydźeń stare a za někotrych je tajki nowy start wosebite wužadanje. Rěčimy tež wo wosach a wo serbskich barbach.

Wo móžnym nastajenju dweju noweju wětrnikow na teritoriju gmejny rěčachu wčera wječor w Chrósćicach. A: wšojedne, hač na nje dźiwamy abo nic: naše ćěło spali stajnje, cyły dźeń kalorije - samo spicy.

W Chrósćicach wotmě so wčera posledna stacija Satkula-beachwolejbuloweje tury, mjeztym zo informowaše SLA wčera wo planach do přichoda. Zaběramy so w druhej snědani dźensa pak tež z narodnej mjeńšinu.

Wčera wotmě so w Budyšinje CSD, Kamjenica je lětsa jedna z kulturnych stolicow Europy a w Chrósćicach so dźensa wječor sportuje.