MDR Serbja – druha snědań

Sakska krajna synoda ewangelsko-lutherskeje cyrkwje je před něšto dnjemi swoje nazymske posedźenje měła. Wčera wotmě so w Njebjelčicach gmejnska zhromadźizna. Rěčny kućik mamy tež za was spřihotowany.

Předstajimy wam dźensa dalšu pěstowarnju, mjenujcy dwurěčnu. W Serbskim domje su nowu wustajeńcy wotewrili. To a tójšto druheho słyšiće dźensa w druhej snědani!

W prěnjej druhej snědani tydźenja zhladujemy hišće raz wróćo na lětušu Schadźowanku a na zetkanje młodźiny awtochtonych mjeńšin Němskeje. Wězo mamy tež sportowe wuslědki za was.

Na dźensnišim pjtaku zaběramy so z nowymi wobzamknjenjemi załožboweje rady. Tež Windows a klinčace kamjenje su tema a wězo čitanje.

W dźensnišej druhej snědani tematizujemy zaso najwšelakoriše wěcy! Rěčimy na přikład wo financnych ćežach w Njebjelčicach a wo nowych płaćiznach za milinu a płun.

W aktualnym wudaću tak mjenowaneho stadijonoweho magacina Dynama Drježdźany z mjenom KREISEL magacin, so tež artikl k dźěławosći Radworskeho campusa eksperiMINT jewi.

Zhladujemy na zašły kónc tydźenja - kak so kěrchowy změnjeja a na sportowe wuslědki. A temowy tydźeń wo (před)čitanju so dźensa zahaji.

Dźensa słyšiće wo prěnjej zjawnej rěčnej konferency ZARI wčera w Smochćicach. Nimo toho wo dohodownych darjenskich akcijach w Serbach a wo sławnym gitarisće - w našim Crescendźe.

W Narću přewjedźe so tučasnje wulke zwučowanje wohnjoweje wobory - a na Bronjanskim hrodźišću ryja runje archeologojo. Što tam drje wuryja?

Prašamy so dźensa, kak so firmy přećiwo nadpadam přez hackerow škitaja a hač je spěwanje poprawom tež sport. A do rěčneho kućika so zhromadnje podamy.