W našej hudźbnej rubrice Crescendo dźe dźensa wo ryby. Dale smy wopytali Welsec rybowy wobchod a zhonimy wo nowej łódźi za Bjerwałdski jězor kaž tež wo zwiskach mjez dobyćerjemi Nobeloweho myta.

W kotrej formje móžeš dźěćom rybu poskićić? Z tutym prašenjom so dźensa zaběramy. Nimo toho zhoniće fakty wokoło licency za wudźenje – a tež serbskej rěčnej šuli so wěnujemy.

Dale dźe z temowym tydźenjom! Dźensa předstajimy swójbu, kotraž bě njedawno w Norwegskej a zaběramy so z prašenjom, hač je wudźenje tež sport.

W rjedźe temoweho tydźenja “Wo rybach a wudźenju” zaběramy so dźensa z prašenjom: kak činiš w haće inwenturu - a štó? Nimo toho wěnujemy so esoterice.

Tutón tydźeń zaběramy so w Serbskim Rozhłósu z rybjacymi temami. Tak smy do Róžanta a do Radworja pohladali, hdźež su kónc tydźenja ryby łójili, kurili a wězo tež jědli. Wězo mamy tež sportowe wuslědki za was.

Tójšto ludźi je aktualnje w lěsach po puću a za hribami pyta – tola što dyrbiš při tym wobkedźbować? A što je zwisk mje hudźbu a huškanjom? W druhej snědani słyšiće wotmołwu.

Tak mjenowana zelena sezona chila so ke kóncej – je potajkim čas za bilancu. Nimo toho zaběramy so z Friawlami w Italskej.

Smy live we wusyłanju pobyli na regionalnych powołanskich wikach w Ralbicach! Na dnju seniorow smy nimo toho ze staršej generaciju pobachtali a předstajimy wam njewšědne domjace zwěrjata.

Sportowe wuslědki, premjera w SLA a roman wo serbskej ewangelskej swójbje – to a wjac słyšiće dźensa w Druhej snědani!

Syman Hejduška powěda wo trendźe, zo ludźo před tym, zo rano dźěłać du, do dnja rejuja. Wo zwěrjatach jako listowi přećeljo rozprawja Měrćin Wjenk. A Katka Pöpelec wě, što was na powołanskich wikach w Ralbicach wočakuje.