MDR Serbja – druha snědań

Dźensa zhoniće mjez druhim z čim maja so w gmejnje Ralbicy-Róžant bědźić, wo legendźe jendźelskeje rock’n’rolloweje hudźby a wo předstajenju knihi "Z Prahi do Palestiny". Dajće sej čerstwe nowosće lubić.

Tónraz pohladamy do Zdźěry, hdźež so tuchwilu twari, dale do wědomosće, do rubriki WWW, kotraž zaběra so z Leopoldinu w Halle. A tež naš serbski kejžor bě zaso raz na wopyće. Satiru słyšiće tohorunja tule.

Radwor: chcedźa energijowe drustwo załožić+++wo dowolu w domiznje+++brěčkownjach sad přijimuja

Łužiski monitor: We Łužicy móže sej někak 20% ludźi předstajić, zo serbšćinu nawuknje+++Gradźišćanscy Chorwaća a kubłanje+++Serbja na mjezynarodnym kongresu slawistow w Parisu

Kak na werbalne antiserbske nadpady reagować+++ ze zawoda za mikro-chipy "X-fab" w Drježdźanach+++ Lětuši 20. hudźbny swjedźeń Serbskeho ludoweho ansambla+++sportowe wuslědki

Tomaty su mjeztym tak daloko, zo móžeš je žnjeć - ale kak to najlěpje činiš?

Crescendo wěnuje so zaso raz něhdyšej serbskej kapale a we WWW podamy so tohorunja do zašłosće - do podobneho časa.

W Budyšinje bě wčera posedźenje Přirady za serbske naležnosće - tam běchmy pódla. Dale wěnujemy so njewěstemu přichodej Sulšečanskeho hosćenca. A Bogna Korjeńkowa komentuje list kotryž je wóndano dóstała.

Beno Šołta bě dźensa rano zaso raz po puću ze słuchomobilom - w Drježdźanskim zawodźe. A do rěčneho kućika so zhromadnje podamy.

W Miłocicach je so wčera finale beachvolleybuloweje tury radija Satkule wuhrał - my běchmy wězo pódla. Dale: Štó płaći za knježny w klóštrje chorobnu kasu? A što su cile serbskich koparskich mustwow za nowu sezonu?

Kónc tydźenja bě tójšto lós - tak na přikład w klóštrje w Pančicach-Kukowje. Lydija Maćijowa bě pódla a wot tam rozprawja. Tež na polu sporta so wjele hibaše - a dźensa wječor so hišće raz w Miłoćicach w pěsku hibaja.