Wjedro aktualnje je woprawdźe krasne, tak zo smy tójšto wonka po puću – zaběramy so w druhej snědani dźensa z pućowanjom a tež ze skatowanjom. Wěnujemy pak so tež hišće raz nowemu bamžej.

Wobhladamy sej aktualny staw Serbskeho pastoralneho ruma, elektronisku aktu pacientow a nowu hóstnu kartu za turistow Hornjeje Łužicy.

Dźensa je mjezynarodny dźeń hladanja a tež hladacych, kiž staraja so wo starych, chorych a potrěbnych – to tež w druhej snědani tematizujemy. Zhladujemy pak tež wróćo na minjeny kónc tydźenja.

Mamy noweho bamža! Wězo so tež w druhej snědani wobšěrnje z wčerawšej wólbu bamža Lea XIV. zaběramy. Ale tež kwětki a delnjoserbski projekt so dźensa tematizuja.

Rěčimy wo klěšćach, předstajimy klawěrotwarca a zaběramy so z prašenjom: Křižerstwo a politika – znjese so to?

Koleso steji dźensa w srjedźišću našeje druheje snědanje – podamy so z nim do Budyšina a do Lipska! Ale tež z dešćikowym wobwěškom so zaběramy.

Z najnowšeho mamy na wsach nětko tež awtomaty, kiž posłužuja swojich kupcow ze wšěm, štož trjebaš! Zaběramy pak so dźensa tež z AfD, kotruž je wustawowy škit za cyły kraj zastopnjował jako ekstremnje prawicarsku.

Runje su ju hakle stajili, a žno prěnja meja zaso leži – w Pančicach-Kukowje wotmě so kónc tydźenja mejemjetanje. Sportowało pak so tež je a motorske běchu po puću.

Wšědne zjeće serbskeho programa.

Informujemy was wo wěstym podawku na minjenej jutrońčce, wo kotrymž so wosebje w Kulowje a Ralbicach rěči. Pobychmy pak tež na wosebitej dźěłarničce za hotowanje drasty ewangelskich Serbow budyskeho kraja.