Poslednja druha snědań tydźenja tematizuje knižny wječor w Bukečanskej bibliotece, štwórtu dimensiju w serijalu WWW a nowu tačel Neila Younga w Crescendźe.

Klanki w ewangelskej serbskej drasće so dźensa tematizuja, runje tak kaž plany Serbskeho kulturneho turizma a naslědnosć – nic drastow, ale meblow!

Wulkotny wuspěch młodych wolejbulistow Wiktorije Worklecy so dźens narěči a počesći, runje tak kaž zwady wo wětrnikach a ćeže ze serbskimi mjenami.

Dźensa rěčimy wo Thespisowym centrumje NSLDź, wo njewšědnych dožiwjenjach młodostnych – wurězk z wčerawšeho wusyłanja Satkule – a Janek Wowčer nam rozkładźe, čehodla njejsu Serbja dotal w zwjazkowym sejmje zastupjeni.

Pohladamy do Njebjelčic na wólbne wuslědki za druhi Serbski sejm, na bilancu dźiwadłoweje sezony delanskich keklerjow a won do přirody, hdźež dźe wo sezonu lěsnych wohenjow, kotraž je so lětsa chětro zahe započała.

Dźensa zaběramy so z konceptom za škit klimy w Radworskej gmejnje. W hudźbnej rubrice Crescendo zhoniće wo wuznamnych žonach w klasiskej hudźbje. Z Dundakom podamy so do Ameriki a pokiwy za kónc tydźenja tež mamy.

druha-snedan-daily-update-100

Serbske twarske předewzaća maja tuchwilu hišće dosć nadawkow. Stefan Šmit rozprawja wo aktualnej situaciji serbskich rjemjeslnikow. A prašamy so, hač su tak mjenowane ZERO-produkty lěpše hač “normalne” z cokorom?

Kulow – helaw! Dźensa smy tematisce jenož w Kulowje po puću – kaž Beno Šołta wčera na swjedźenskim ćahu a Satkula wčera wječor live w barje.

Z dźensišej róžowej póndźelu docpěje karnewalowa sezona swój wjeršk. Mjez norami, kotřiž chcedźa w Kulowje swjećić, je Christian Bulank z Wojerec. Dale mamy sportowe pokiwy a pohladamy na wčerawše njedźelniše wusyłanje.