Februar je nimale nimo a tak su amfibije zaso aktiwne – z tym so dźensa zaběramy. Nimo toho słyšiće Crescendo, WWW a přeprošenku za póndźelniši wječor.

Kak je poprawom, hdyž tam dźěłaš, hdźež druzy dowoluja? Čehodla je piwo po sportowanju wosebje słódne? W druhej snědani słyšiće mjez druhim wotmołwu na tutej prašeni.

Naše temy tónraz: W Delanach so hortensije kradnu, Janek Wowčer nam wo mjeńšinowej stronje Danow a Frizow SSW rozprawja, kiž ma w Zwjazkowym sejmje zapósłanca a w rěčnym kućiku zaběramy so z wuprajenjom: dźěćo wočakować.

Słyšimy reakcije na njedźelniše wólby, předstajimy wam dwójniki a rěčimy wo tarifowym jednanju koncerna LEAG.

Wčera wotměchu so wólby do Zwjazkoweho sejma a wězo chcemy sej wuslědki dokładnje wobhladać. Nimo toho mamy tež sportowe wuslědki a zaběramy so z Hornjoserbskej rěčnej komisiju.

Temowy tydźeń “Naša maćeršćina” so nachila – w dwěmaj přinoškomaj so temje hišće raz wěnujemy. Nimo toho ma Měrćin Wjenk pokiw za was, kak móhli so w přichodźe lěpje na swoje sony dopomnić.

Je maćeršćina wot nana sposrědkowana nanowšćina? Temowy tydźeń “Naša maćeršćina” steji dźensa dale w fokusu, a nimo tuteho prašenja słyšiće wo dialekće z Rownoho a štyri lěta stary a tola hišće aktualny komentar.

Kak ćežko je poprawom maćeršćinu zwonka domizny nawuknyć – a nawučić? Na čo měli při sportowanju při temperaturach pod nulu dźiwać? A maće wy serbske pomjenowanje za “Eintopf”?

Temowy tydźeń “Naša maćeršćina” dźe dale z młodym wučerjom matematiki a fyziki. Nimo toho: najlěpše ze Satkule a naš serijal “Narodne mjeńšiny”.

Zahajimy zaso raz temowy tydźeń – wo maćeršćinje – a pohladamy na prěnje spočatki nawuknjenja rěče. Nimo toho – kaž póndźelu z wašnjom – najlěpše z njedźelnišeho wusyłanja, wo serbskich temach nastupajo wólby, a sport.