Dźensa hlada cyły swět do USA – tam wotměja so wšako wólby a tež my so w druhej snědani z tym zaběramy. Nimo toho smy tež z młodej Serbowku telefonowali, kotraž je tučasnje we Valenciji.

Zhladujemy skrótka na 60-lětny jubilej rejowanskeje skupiny “Smjerdźaca”, kotryž wotmě so sobotu w Chrósćicach. Wězo mamy tež zaso sportowe wuslědki kónca tydźenja za was.

Na dnju wšěch swjatych wěnujemy so w jednym z našich serijalow swětoznatemu spěwej. Předstajimy pak tež serbskeho profesora, kotryž bydli a wuwučuje w New Yorku.

Što je efektiwniše a strowše? Skerje pomału z kijemi po puću być, potajkim nordic walking abo tola trochu spěšnišo joggować?

Wotmołwu na tute prašenje a wězo hišće wjac słyšiće dźensa w druhej snědani.

Dźensa je swětowy dźeń apopleksije. Njewěš, što to je? W druhej snědani zhoniš! Nimo toho zaběramy so tež z městnostnymi mjenami we wokolinje.

Na dźensnišej póndźeli smy so raz bliže ze serbskimi chórami zaběrali. Nimo toho mamy wězo zaso sportowe wuslědki za was.

Wopytamy šewca Měrćina Chěžku w jeho małej dźěłarni na Sukelnskej. A pohladamy na cyłoněmski dźeń bibliotekow - tež ze serbskim podźělom.

Dźensa zajimuje nas hightech w rjemjesle a zetkamy fachowču w branži tepjenjetwarcow Kristinu Rječkec.

Kermuše - wulke swójbne swjedźenje z tójšto dźěłom za kulisami –Stefan Šmit wo tym rozprawja. A zetkamy ćěslu Ławrjenca Bobku, kiž je so do Lipska na studij twarskeho inženjera podał.

A to su naše temy: Satkula je so wčera wječor zaběrała z hońtwu a hajnikami. W našim temowym tydźenju předstajimy dźensa dalšeho rjemjeslnika - a rěčimy wo nowym poskitku, w dźewjeć měsacach intensiwnje serbsce wuknyć.