W Južnej Koreji je politiska situacija kritiska, w ewangelskich wosadach su zamołwitosće na mnoho ramjenjow rozdźělene a: dawa w Choćebuzu serbskich ultras?

“LitMiks ‘24” – to je nowa zběrka młodych awtorow, kotraž je so wčera w Budyšinje předstajiła. Runočasnje wotmě so w Radworju staršiski wječor k prašenju: “Što činja dźěći w syći?”

Zhladujemy zhromadnje wróćo na prěni adwentny kónc tydźenja! Zaběramy pak so tež ze serwisowej pawšalu w pěstowarnjach a wězo tež ze sportom.

Na wobydlerskej rozmołwje w Pančicach wobdźělichu so wčera jenož šesćo. Zaběramy so tež z ‘Lostwaves’ a ‘Black fridayom’.

Žarowanje ale tež gratulowanje k narodninam stej dźensa tema! Nimo toho smy so woprašeli, kak sće waše prěnje swójske pjenjezy zasłužili a za čo sće je wudali.

Rěčimy wo genach starych Słowjanow, wo profijowym sudniku - kotryž wjedźeše kónc tydźenja hru w Ralbicach - a wo ekstra-galaktiskej hwězdźe.

Diabetes pola młodostnych, 65 lět Pěskowćik a Němcy w Pólskej – to su mjez druhim temy našeje dźensnišeje epizody druheje snědanje!

Wězo chcemy so tež w Druhej snědani z minjenej 150. Schadźowanku zaběrać. Smy pak tež na poradźowanskim dnju na Serbskim gymnaziju pobyli a zjimamy sportowe wuslědki kónca tydźenja.

Temy: Nazymske posedźenje rady Załožby za serbski lud, wo wobzamknjenjach a problemach, kiž zwisuja z tučasnej politiskej situaciju. A w rubrice “Crescendo” zaběraja nas 300 lět stare a miliony hódne Stradivari-husle.

Rahel Zelnakec je so ze slědami słowa ,,Sorbistan" dokładnišo zaběrała. A Monika Gerdesowa komentuje přichod serbskich katólskich wosadow.