Horjany su w Chrósćicach swoju 30. róčnicu woswjećili! Sportowało so kónc tydźenja wězo tež zaso je a staršik čini lětsa zaso problemy.

Film “Pola nas rěka wona Hanka” swjećeše wčera swoju premjeru w Budyšinje! Nimo toho wobhladamy sej zajimawu nowu studiju kotraž zaběra so z hudźbu.

Pěstowarnja Němcy wojuje wo dźěći, spěwny žónski kurs slavic folk a: trjebamy serbski hrajny film? To a wjac dźensa w druhej snědani.

Foilowanje je sportowa družina w trendće, “krejny dźiw” ma přirodne wujasnjenje a w Ralbicach je so wčera gmejnska rada zhromadźiła.

Słyšimy měnjenja młodostnych k antiserbskim šćuwanjam na rejach. Nimo toho zaběramy so z fondsom Salowskeho a z Retoromanami w Šwicarskej.

Smy porěčeli z jubilarom z Rowneho ale tež z ratarjemi wo swojich problemach a starosćach. Nimo toho wobhladamy sej wězo sportowe wuslědki.

Satkula swjeći 25-lětny jubilej! Tak naposkamy sej wurězki z prěnjeho wusyłanja młodeje žołmy a mamy zwuki něhdyšich Satkularjow. Nimo toho zaběramy so z ludomordarstwom w Ruandźe.

Kinowy film swjeći za tydźeń w Budyšinje premjeru, zakónčaca serbska debata je so wčera wotměła a: kak steja serbscy zapósłancy a čłonojo wokrjesneho předsydstwa CDU k tak mjenowanej wohnjowej murje přećiwo prawicarstwu?

Wčera su na Detlefa Kobjelu spominali a přihoty na Europeadu dale běža. Nimo toho słyšiće nowu epizodu rěčneho kućika!

Što dźerža młodostni wo legalizowanju canabisa? Mamy za was někotre měnjenja k tomu. Nimo toho zaběramy so z podijowej diskusiju wo strukturnej změnje a předstajimy wam nowu rubriku na našej app.