Na prěnjej póndźeli lěta powědataj nam krosnowarjej wo jeju spektakularnych dožiwjenjach w Nepalu. Słyšiće pak tež, čehodla budźe lěto 2025 dobre lěto.

Słyšiće w našim Crescendźe wo instrumenće lěta 2025 a wo inowaciji w škiće před lawinami w serijalu wěda, wědomosć a wunamakanki. Nimo toho zhladujemy hižo raz na jutřiše wusyłanje Wuhladka.

Strowe nowe lěto! Što sebi Serbja za nje předewzaja? A na kotre wjeršk směmy so 2025 wjeselić? To, runje tak kaž nekrolog njeboheje Gertrud Wincerjoweje, słyšiće w prěnjej druhej snědani 2025.

W poslednjej druhej snědani lěta słyšimy, kak su Serbja we wukraju lětsa hody woswjećili. Chcychmy pak wězo tež wědźeć, kak wy do noweho lěta startujeće.

Zhladujemy hišće raz wróćo na wulki ewent minjenu sobotu w Chróšćanskej Jednoće. Zaběramy pak so tež z praskotakami a wězo tež ze sportom.

Kak na žiwjenje zhladuješ a z kotrym nastajenjom chceš do noweho lěta kročić. Wužiwanje streamingowych platformow.

Wčera bě młodźinska redakcija Satkule z hosćom we Worklečanskim młodźinskim klubje - a tam su kwisowali. Beno Bělk wěnuje so temje "Hdyž zwony zwonja". A mamy naše poslednje adwentne woknješko, kiž zhromadnje wočinimy.

Zhoniće wot Jana Hrjehorja, hdźe je so kónc tydźenja wšudźe sportowało. Potom zhladujemy hišće raz na naše njedźelniše wusyłanje - tam je so Beno Šołta z brunicu zaběrał a mějachmy wosebitu telefonisku akciju.

Fun facts wo hodownych spěwach a němske telewizijne wusyłanje TAGESSCHAU naraz w serbskej rěči w socialnych syćach.

Nowosće z měšćanskej rady Budyšina k temje wobydlerski rozsud wo Sprjewinym mosće. A Katka Pöpelec ma recepty za zymske napoje přihotowane.