Hdyž w nalěću wšitko kćěje a bujnje rosće, to je wulke wjeselo. Diana Fryčec-Grimmigowa běše po Łužicy po puću a wza nas nětko sobu do najwšelakorišich zahrodkow.

Što móžeš přećiwo brojenju žiwidłow činić? Sophie Hejduškec je so za móžnosćemi rozhladowała a so zdobom w serbskich předewzaćach informowała, kak so tam ze žiwidłami a jich přetrjebu wobchadźa.

Pjaty “Historiski kamušk” wjedźe do 19. a 20. lětstotka. Wusyłanje zestajiła je Monika Gerdesowa.

Jakub Wowčer spomina na wuspěšne a tež mjenje wuspěšne časy kobłarnje we Wudworju.

Štwórty “Historiski kamušk” wěnujetaj Jens Buliš a Monika Gerdesowa tohorunja hišće 18. lětstotkej – a prěnjemu serbskemu biskopej.

Wučerjo dale faluja, wosebje na serbskich šulach. Kak potajkim dosć ludźi zahorić? Z jednej konkretnej móžnosću je so Katka Pöpelec zaběrała – a sej pro a contra wobhladała.

Kak sej ludźo zwonka Łužicy maćeršćinu abo tež nawuknjenu serbšćinu wobchowaja, zo njebychu na rěč pozabyli? Tute prašenje je Mateja Dźisławka zajimowało.

Sakska je hinak hač druhe kraje šule po jutrach wočiniła. Kotre wuměnjenja płaća, wo tym je so Monika Gerdesowa rozmołwjała ze zamołwitym za serbske šule w Krajnym zarjedźe za šulu a kublanje, Bosćijom Handrikom.

Što matej moderna hebrejšćina a serbšćina zhromadneho? Na prěni pohlad mało. Na druhi pohlad wjace hač sej mysliš. Monika Gerdesowa w rozmołwje z Simonom Malinkom, kiž je judaistiku a mjezynabožinski dialog studował.

Naš reporter Feliks Cyž je zestajił lětušu křižersku rozprawu, mjez druhim tež wo křižerjach a procesionach z Baćonja, z Budyšina, z Ralbic, z Wotrowa, z Njebejlčic a z Wotrowa.