Loni tutu rozprawu bohužel docyła měli njejsmy, wšako so jěchało njeje. Lětuša jutrownička hodźi so, znajmjeńša hladajo na wjedro z 2019 přirunować: nic přećopło, nic přezyma, žadyn wulki wětřik a słónčko, wě Feliks Cyž.

Rahel Zelnakec wěnuje so w přichodnej dobrej bědl hodźinje prašenju: Kotre rozdźěle dawa tež pola katolskeje drasty sameje? Hladajo na přikład na šiće, hotowanje a nošenje.

W Hornim Hajnku je pjatk spisowaćel Beno Budar swoje 75. narodniny woswjećił. Basnika, awtora mnohich dźěćacych knihow a dołholětneho redaktora Płomjenja jeho čitarjo lubuja. Monika Gerdesowa gratuluje a rozprawja.

Wothladajo wot mjezynarodnych je někak 1300 serbskich titulow, kiž wšědnje w Serbskim rozhłosu rotěruja. A Blanka Funcyna da nětko dohlad do dźěła tych, kotřiž spěwy produkuja, teksty pisaja a sowě titule tež spěwaja.

Žiwy być w paradizu, při morju z palmami, z přeco miłej klimu. Serbowku, kiž je móhłrjec na tamnym blečku swěta žiwa, je Clemens Šmit w njedźelnišim wusyłanju 14. měrca 2021 předstajił.

Před 100 lětami je so w Kamjenej pola Radworja narodźił wurjadny wědomostnik a slědźer na polu ličenskeje a kompjuteroweje techniki, profesor doktor Mikławš Joachim Wićaz. Tomaš Faska bě na njeho 15. měrca 2021 spominał.

Na Mjezynarodnym dnju žonow předstajimy Wam tři žony, kotrež maja zajimawe powołanje abo aktiwnje w komunalnej politice sobu měšeja. A tež "genderowanju" w serbšćiny so wěnuje Monika Gerdesowa we wusyłanju 07.03.21.

Marka Hančika znaja někotři jako biologu, tamni jako čłona zwjazkoweho předsydstwa a městopředsydu Domowiny. Tola Marko Hančik je tež w patologiskim instituće w Choćebuzu dźěłał, wě Monika Gerdesowa.

Młodostny, kiž bě loni na póstničce w Šunowje mjez druhim tež serbskeho młodostneho nadpadnył, dyrbi jedne lěto a dźewjeć měsacow do jastwa. Tola kak hódnoća potrjecheni namocy situaciju mjeztym? Katka Pöpelec rozprawja.

Dla spadowacych ličbow wosadnych a tež dla falowaceho duchowneho dorosta su w ewangelskej kaž tež w katolskej cyrkwi zahajili strukturne procesy. Wosady so k wjetšim cyłkam zjednoća. Monika Gerdesowa rozprawja.