Það vantaði ekki umræðuefnin í þessum þætti. Óli mætti með óvænta tilkynningu sem kom vægast sagt mikið á óvart. Natalie kom líka með tilkynningu í þessum þætti. Britney Spears er ólétt og Kanye ætlar loksins að leyta sér hjálpar.  Rifjuðum upp gamlar bransasögur og ekki má gleymast páskadjammið. Þetta er aðeins lítið brot af því sem fór í gegnum hakkavélina. 

Pólitískur skandall og skítastormur átti sér stað síðasliðna helgi þar sem ráðherra Framsóknar var með rasískt orðbragð. Þáttarstjórnendur fengu ofbirtu í augun af gaslýsingum Framsóknarmanna en skelltu upp sólgleraugunum og fjölluðu um málið. Hollywood slúðrið á sínum stað og sögur úr persónulega sarpinum. 

Mál málanna þessa vikunna er það atvik sem kom upp á Óskarsverðlaunahátíðinni í ár þegar Will Smith Löðrungaði grínistann Chris Rock. Við fórum yfir sigurvegara ef sigurvegara skyldi kalla á Golden Raspberry Award yfir verstu myndir og frammistöður á árinu. Þau úrslit komu reyndar ekki mikið á óvart. Ameríska söngvakeppnin og kona sem komst í hann krappan vegna prumps. Þetta er aðeins lítið yfirlit yfir það sem var rætt í þessum þætti.

Það var mikill æsingur í þessum þætti enda mikið að fara yfir. Hvað varð um Lambada dansinn? Er Johhny Deep og Amber Heard dómsmálið að fara að breytast í Hollywood raunveruleikaþátt? Mun heilin á Natalie og Óla ná fyrri styrk eftir Covid? Þessum spurningum verður svarað nema kannski með heilan á þáttastjórnendum, það mál á ennþá eftir að koma í ljós. Hollywood sögur og persónulegar sögur að ógleymdum afmælisbörnunum. Semsagt tveggja vina hispurslaust hjal fyrir allan peninginn.

Í þættinum var farið yfir úrslit Eurovision og öllu sem því fylgdi. Ameríka ætlar ekki að láta sitt eftir liggja í þeim efnum og þeir verða með sína eigin söngvakeppni í ár. Óhugnaleg frétt barst frá Hollywood þar sem leikari virðist vera undir álögum konu og virðist vera viljalaust verkfæri í hennar höndum. Þetta ásamt heitustu fréttum vestanhafs.

Seint koma sumir en koma þó. Fórum yfir hvað gerðist síðan síðasti þáttur var tekinn upp og það var á nóg að taka. Eru geimverurnar að fara að bjarga okkur frá kjarnorku ógninni? Er Kanye West að fara gera eitthvað sem hann getur ekki tekið til baka? Þessum spurningum er reynt að svara og svo er Hollywood slúðrið og ammælisbörnin á sínum stað

Í þessum þætti er heldur betur farið yfir gamlar og sumar vafasamar sögur úr fortíðinni hjá þáttarstjórnendum. Söngkonan Sia er búin að vera á botninum eftir að hún gerði sína fyrstu kvikmynd. Adele er búin að vera að reyna að damage control-a því hún þurfti að fresta tónleikum í Las Vegas. Þetta og svo margt fleira í þessum þætti. Þessi þáttur er bannaður innan 16 ára!

Góða skemmtun.

Í þessum þætti gefur Óli Hjörtur vægast sagt vafasamt húsráð. Það eru allir að missa það í Hollywood og við skiljum ekki neitt. Drake er mjög mikið fyrir heitusósurnar og setur þær á skrítna staði. Þetta er aðeins lítið brot af því sem fjallað var um. Að ógleymdum afmælisbörnunum sem eru vægast sagt rosaleg þessa vikuna. 

Í þessum þætti þá förum við yfir það sem er í vændum á nýju ári samkvæmt völvunni og það er ýmislegt þar sem kemur á óvart. 

Gleðilegt nýtt ár!

Síðasti þáttur fyrir jól og er á jólalegri nótunum. Löggan er komin á Twitter og djammið er að ganga af göflunum. Kemur í ljós að Sex in the City stjarna er ógeð en Dolly Parton og Mariah Carey eru að setja hvert metið á fætur öðru. Aðeins lítið brot af því sem fjallað var um. Gleðileg jól :)