Í Gundadali búði Stefania av Húsum, sum var omma Bergtóru. Hon sat einkja eftir urtagarðsmannin Trónd Hansen, ið bygdi fyrstu hús í Gundadali.

Stefania var lamin av sjúku, sum lekidómur ikki var fyri. Tróndur var frammarlaga í ítrótti og var við at stovna HB. Børn teirra íðkaðu bæði fimleik, hondbólt og fótbólt.

Eitt skifti vóru allar fýra Hanusardøturnar á 1. liði Neistans. Bergtóra royndi seg eisini í froskmannaítrótt og var liðskipari í HM-kapping í Chile í 1971.