Eyðun Joensen var fyrsti føroyingur við prógvi í sálarfrøði  av universiteti, sum kom í starv í Føroyum. Føddur í Klaksvík í 1945 og uppvaksin á Biskupsstøð, har foreldrini høvdu stórt virki.

Mamman Jóhanna var dóttir Mikkjal Joensen hjá Dala Mikkjali á Tvøroyri. Pápin Rudolf Joensen úr Sørvági var yngsti sonur Tøðu Rasmusi úr Gádadali. Tey vóru í Danmark í 30unum og giftust har. Í 1939 fluttu tey til Klaks-víkar, har Rudolf tók upp starv sum løggildur elinnleggjari.