Húsalánsgrunnurin var mitt í meldrinum, tá fíggjarkreppa var í nítiárunum. Sethús í hópatali vórðu lýst á tvingsilssølu. Grunnurin tók stig til tingingar við peningastovnar um ta sonevndu sethúsaloysnina. Hon miðaði ímóti at sleppa undan tvingsilssølum. Jóannes Dalsgarð heldur, at sethúsaloysnin í allari neyðini bjargaði eini 2000 húsum frá tvingsilssølu. Eitt skifti áttu Jóannes og svágur hansara nótabátin ?Boðanes?, sum fiskaði sild og laks. Hann var leingi formaður í Suðurstreymoyar Tjóðveldisfelag og eisini aðalstjórnarformaður.