Sjónleikarin og bóndakonan Laura Joensen er uppvaksin úti á Fløtum og í Jónas Broncksgøtu í Havn. Hevur í útivið 40 ár havt húsini á Mýrini í Kilarkanalini. Tey sigast vera elstu hús eystan fyri Havnará og eru upprunaliga bygd í 1677. Laura leigaði tey frá Fornminnafelagnum, til hon keypti fyri fáum árum síðani. Laura er dóttir Áslu f. Hansen av Viðareiði og John Joensen úr Mykinesi. John og bróðurin Poul høvdu stóra fyritøku í Jónas Broncksgøtu við verkstøðum, handlum, bilum og skipum. Har var altíð lívligt og stuttligt at vera.