Í vár greiddi hvalbingurin Niels Nattestad frá eini ætlan hjá Nattestad-fólkum í Føroyum at fara til Noregs at vitja ættargarðin Nattestad í Numedalen sunnarlaga í Noregi. Ferðïn varð gjørd í summar. Eini 230 fólk vóru við. Meginparturin var úr Føroyum. Skyldfólk úr Danmark og USA vóru eisini í ferðalagnum. Nattestad-fólkini høvdu góðar dagar í bygdini Vegli. Fyrsti Nattestad í Føroyum var Thor Nattestad, sum kom higar at bróta kol síðst í 1700-talinum. Hann búsettist í Hvalba.