Teknistovan hjá J.P. Gregoriussen hevur havt mangar og fjølbroyttar uppgávur seinastu hálvu øldina. Har eru teknað meir enn 200 sethús, har eru nýggir skúlar og aðrir almennir stovnar teknaðir, eitt nú Eysturskúlin, Listaskálin og Útvarpshúsið.

Palli Gregoriussen stóð eisini fyri at byggja Sparikassan út og at nýtíðargera gamla Sjóvinnubankan undir Kjallara. Hann hevur somuleiðis verið nógv uppi í at dagføra og byggja út kirkjur kring um í landinum.