Í 1957 fór Pauli Ellefsen á fjarritaraskúla í Keypmannahavn. Tók prógv í 1958 og fór at sigla hjá Dansk Fransk. Summarið 1959 fór hann at ganga til fyrireiking til HD og skeið í fjarritaratøkni. Var síðani ein túr í Congo við Dansk Fransk, tá uppreistur var har. Teir førdu illa komin flóttafólk oman eftir ánni. Hann stóð royndina á Handilsháskúlanum og fór at læra til grannskoðara í starvi hjá C. Jespersen í Keypmannahavn. Har var hann, til hann í 1970 skuldi taka støðu til, um hann vildi verða meðeigari ella fara til Føroya at arbeiða.

Jógvan Arge legði til rættis í 2011.