Í 1982 fór Guðrun Gaard á HF. Árið eftir fór hon á føroyamálsdeildina á Fróðskaparsetrinum. Har tók hon prógv sum exam.art. í norðurlendskum máli og bókmentum við høvuðsdenti á føroyskt. Próvuppgávan var um fyrstu føroysku skaldsøguna, Bábilstornið, sum Regin í Líð skrivaði. Guðrun fór nú til Odense eitt ár at byrja lestur til magistara. Magistararitgerðin var um føroyskar bókmentir í tjóðskapartíðini samanbornar við bókmentir í øðrum londum. Frá 1986 undirvísti Guðrun á Føroya Studentaskúla samstundis. sum hon las. Hon fekk styrk at skriva Ph.d-ritgerð um skaldskapin hjá Regini Dahl.