Memo Pòdkas

Pou klotire ti seri kote nou tal dekotike kèk tèks ansyen jenerasyon, nou tal detere "Mise au point" ke Dany Larivière entèprete. Tèks sa lage travay nan men nou paske konparezon ak lanmou ki fèt yo pa senp.

Al tande epizòd 83 ki disponib tout kote. Pataje avi ou avèk nou epi pa bliye voye yon zanmi, yon fanmi tande li tou.

Pou yon lòt fwa, Orchestre Septentrional tounen nan Memo Pòdkas, ak on ekstrè tire nan on chante ki rele Marie Lourdes.

Nan ekstrè sa, otè a t ap fè n dekouvri: Yon nonm k ap tann, yon fanm ki ale, yon absans ki tounen soufrans, ak yon espwa ki pa janm etenn…

Al tande epizòd 82 an! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Nou tou rete nan letan epi nou rale on lòt gwoup nan ansyen jenerasyon an pou n alize yon tèks yo. "Lanmou pa plezantri" se tèks Le Carribean Sextet ke nou dekòtike nan epizòd 81 an. Kisa lanmou ye pou mesye sa yo? Me ak Mo te reponn ak sa jan yo renmen fè l.

Al tande epizòd 81 an! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Louise Marie se fanm sila ki te brize kè Roger Colas. Nan yon bolewo klasik ki titre Louise Marie, Roger t ap plenyen jan kè l te fanm an 2 moso aprè yon separasyon. Men, li te pran swen tou pou l soulinye jan l ap kontinye renmen manzè. Me ak Mo te pran plezi debat otou de yon ekstrè tèks sila.

Al tande epizòd 80 an! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Yo pa voye wòch sou mango vèt. Sa vle di ke yo voye l sou sak mi yo. Kisa mango ak woòch senbolize nan yon ekspresyon konsa? Sipoze se ou ki mango a epi w pran on kout wòch, ès ke w ap panse se paske mi ou byen w ap pran tan pou w analize wòch la? Epizòd sila te pèmèt Me ak Mo brase lide sou bèl metafò sa.

Al tande epizòd 79 la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Gon epòk nou te konn tande sa anpil: Ou pa gen kann sa nan bouwèt ou. Jodiya pou epizòd 78 la, Me ak Mo tounen sou ekspresyon sa ki gen plis ladann ke sa w tande a.

Al tande epizòd 78 la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Depi w se ayisyen ou paka pa konn sa pou w reponn lè yo mande w "Sak pase". Kesyon-repons sa tounen mak frabrik ayisyen. Li tounen yon etikèk lengwistik. Nan Epizòd 77 la, Me te mande Mo sak pase. Mo pat ezite pou l te di lap boule.

Al tande epizòd 77 la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

"Bagay yo myèl"! Yon eskpresyon ki fè pati de langaj kouran nou. Kisa w panse de ti pawòl sa? Es ke li kontradiktwa ou pa? Nan epizòd 76 la, Me ak Mo te pran plezi pou pataje opinyon yo.

Al tande epizòd la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Si pou ou lanmou se yon senp santiman, konnen w poko konn Lanmou. A travè yon bèl powèm Mémordue Wanya Ardouin t ap pataje avè nou on verite ke l kole sou li tankou yon etikèt. Me ak Mo kote pa yo te kontan bay avi yo sou yon si bèl verite.

Al tande epizòd 75 la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.

Entèlijans Atifisyèl se yon fòs ki deja antre nan mond nou an. Nou pa gen anpil chwa sou prezans li, men nou toujou gen yon chwa sou relasyon nou pral bati avèk li. Nan epizòd 74 la, a travè yon tèks ke Jean Philippe, yon Memordu voye ban nou, Me ak Mo pral wè eske Entèlijans Atifisyèl se yon menas oswa yon alye.

Al tande epizòd 74 la! Li disponib tout kote pou apresye jan nou fè konsiderasyon yo.

Pa bliye pataje epizòd la a on fanmi, on zanmi.