នៅក្នុងជីវិតរស់នៅប្រចាំថ្ងៃ យើងតែងតែត្រូវបានបង្រៀនឱ្យរត់ប្រណាំង និងប្រកួតប្រជែងគ្នាដើម្បីភាពលេចធ្លោ។ ប៉ុន្តែ តើអ្នកដឹងទេថា ការប្រកួតប្រជែងខ្លាំងពេកអាចបង្កើតនូវសម្ពាធ ភាពតានតឹង និងភាពឯកោ?

វីដេអូនេះនឹងនាំអ្នកទាំងអស់គ្នាមកស្វែងយល់ពីរបត់ថ្មីនៃការអភិវឌ្ឍខ្លួន និងការការងារ គឺ «ការផ្លាស់ប្តូរពីការប្រកួតប្រជែង មកជាកិច្ចសហការណ៍»។ យើងនឹងជជែកគ្នាពី៖

· ផលប៉ះពាល់ផ្លូវចិត្តនៃការប្រកួតប្រជែងដែលគ្មានដែនកំណត់។

· ថាមពលនៃ "កិច្ចសហការ" (Collaboration) ដែលជួយឱ្យយើងដើរបានឆ្ងាយ និងមានក្ដីសុខជាងមុន។

· គន្លឹះក្នុងការផ្លាស់ប្តូរផ្នត់គំនិត (Mindset) ពីការចង់ឈ្នះអ្នកដទៃ មកជាការរីកចម្រើនទៅជាមួយគ្នា។

មិនថាអ្នកជាសិស្ស និស្សិត បុគ្គលិកក្រុមហ៊ុន ឬជាអ្នកដឹកនាំនោះទេ វីដេអូនេះនឹងជួយឱ្យអ្នកមើលឃើញពីឱកាសថ្មីៗតាមរយៈការចាប់ដៃគូ និងសហការគ្នា!

មនុស្សជាច្រើនតែងតែយល់ច្រឡំថា ជំងឺធ្លាក់ទឹកចិត្ត (Depression) គឺគ្រាន់តែជាអារម្មណ៍ទន់ជ្រាយ ខូចចិត្ត ឬកើតទុក្ខធម្មតា ហើយក៏អាចបាត់ទៅវិញ។ ប៉ុន្តែនៅក្នុងការពិត ជំងឺធ្លាក់ទឹកចិត្ត គឺជាជំងឺផ្លូវចិត្តពិតប្រាកដមួយ ដែលប៉ះពាល់ដល់ គំនិត អារម្មណ៍ និងរាងកាយទាំងមូល។

តើធ្វើដូចម្តេចទើបដឹងថា វាជាសញ្ញានៃជំងឺធ្លាក់ទឹកចិត្ត? មកសង្កេតចំណុចគន្លឹះទាំងនេះ៖

· បាត់បង់ចំណាប់អារម្មណ៍៖ លែងចង់ធ្វើអ្វីដែលខ្លួនធ្លាប់តែចូលចិត្តធ្វើពីមុន (ដូចជា លែងចង់ស្តាប់តន្ត្រី លែងចង់ជួបមិត្តភក្តិ ឬលែងចង់ធ្វើអ្វីដែលធ្លាប់ចូលចិត្តពីមុនមក)។

· អារម្មណ៍ស្រងូតស្រងាត់អូសបន្លាយ៖ មានអារម្មណ៍ទទេស្អាត អស់សង្ឃឹម ឬមួម៉ៅខុសធម្មតា ស្ទើរតែរាល់ថ្ងៃ និងបន្តបន្ទាប់គ្នាចាប់ពី ២ សប្តាហ៍ឡើងទៅ។

· ការប្រែប្រួលរាងកាយ៖ អស់កម្លាំងល្ហិតល្ហៃ ទោះបីជាមិនបានធ្វើការធ្ងន់, មានបញ្ហាដំណេក (គេងមិនលក់ ឬគេងច្រើនជ្រុល), និងការប្រែប្រួលរបបអាហារ (ញ៉ាំមិនចូល ឬញ៉ាំច្រើនខុសប្រក្រតី)។

· បន្ទោសខ្លួនឯង៖ តែងតែមានគំនិតអវិជ្ជមានមកលើខ្លួនឯង គិតថាខ្លួនគ្មានតម្លៃ ឬនាំតែទុក្ខឱ្យអ្នកដទៃ។

តើអ្វីទៅជា Secondary Traumatic Stress? | ការពារការហត់នឿយផ្លូវចិត្តជាមួយ Dr. Sao Solynet តើអ្នកធ្លាប់មានអារម្មណ៍ថាហត់នឿយខ្លាំង ខកចិត្ត ឬស្រ្តេស បន្ទាប់ពីបានស្តាប់ ឬជួយដោះស្រាយបញ្ហាលំបាកៗ និងរឿងរ៉ាវប៉ះទង្គិចផ្លូវចិត្តរបស់អ្នកដទៃដែរឬទេ? នៅក្នុងវីដេអូនេះ យើងនឹងមកស្វែងយល់ជាមួយ Dr. Sao Solynet (Psychiatric Resident and Clinical Psychologist) អំពី ការប៉ះទង្គិចផ្លូវចិត្តដោយប្រយោល (Secondary Traumatic Stress)។ នេះជាសម្ពាធផ្លូវចិត្តមួយដែលជារឿយៗកើតឡើងលើអ្នកផ្ដល់សេវា គ្រូពេទ្យ អ្នកជំនាញចិត្តសាស្រ្ត អ្នកសង្គមកិច្ច ឬអ្នកដែលតែងតែចំណាយកម្លាំងចិត្តដើម្បីមើលថែ និងជួយដល់អ្នកដទៃ។ "អ្នកមិនអាចធ្វើជាអ្នកប្រឹក្សាផ្លូវចិត្តរបស់មនុស្សគ្រប់គ្នានោះទេ ហើយអ្នកក៏មិនគួរព្យាយាមធ្វើបែបនោះគ្រប់ពេលដែរ។ ពេលខ្លះ យើងត្រូវការភាពកំប្លែងលេងសើចបន្តិចបន្តួច ដើម្បីរស់នៅជាមនុស្សធម្មតាម្នាក់ នៅខាងក្រៅបន្ទប់ប្រឹក្សាយោបល់។" — Dr. Sao Solynet សូមកុំភ្លេចចុច Subscribe និងចុចរូបកណ្តឹង ដើម្បីទទួលបានវីដេអូចំណេះដឹងផ្នែកចិត្តសាស្រ្ត និងសុខភាពផ្លូវចិត្តថ្មីៗជាបន្តបន្ទាប់ពីផ្លេតហ្វមរបស់យើង! Have you ever felt emotionally exhausted, overwhelmed, or deeply stressed after listening to or helping someone push through their trauma? In this episode, we dive deep into Secondary Traumatic Stress (STS), with Dr. Sao Solynet (Psychiatric Resident and Clinical Psychologist). This condition often impacts healthcare professionals, therapists, social workers, and natural caregivers who spend their lives absorbing the trauma of others. Learn how to recognize the signs of STS and discover essential strategies to protect your own mental light while continuing to support those around you. "You can't be everyone's therapist, and you shouldn't strive to be one all the time. Sometimes a dose of silliness is needed to function as a human being outside of the therapy room." — Dr. Sao Solynet #MentalLibrary #SecondaryTraumaticStress #Compassion Fatigue #MentalHealthCambodia #PsychologyKhmer #DrSaoSolynet #SelfCareForHelpers #សុខភាពផ្លូវចិត្ត

មនុស្សជាច្រើនតែងនិយាយថា "ស្នេហាមិនអាស្រ័យលើលុយកាក់ទេ" ប៉ុន្តែនៅក្នុងពិភពពិត ទំនាក់ទំនងមួយអាចរឹងមាំទៅបាន លុះត្រាតែមានការយល់ដឹង និងការគ្រប់គ្រងរឿងហិរញ្ញវត្ថុរួមគ្នា។ លុយមិនមែនជាអ្វីៗគ្រប់យ៉ាងក្នុងស្នេហានោះទេ ប៉ុន្តែបញ្ហាលុយកាក់អាចក្លាយជាថ្នាំពុលបំផ្លាញក្តីសុខក្នុងគ្រួសារបាន បើសិនជាយើងមិនចេះនិយាយគ្នាដោយតម្លាភាព។ មកជជែកគ្នាអំពីរបៀបបង្កើតតុល្យភាពរវាង "បេះដូង" និង "កាបូបលុយ" សូមស្ដាប់នៅក្នុងវីដេអូសម្លេងនេះទាំងអស់គ្នា។