Mission Europe – Mission Berlin | Mësoj gjermanisht | Deutsche Welle

Ana përplaset me një grua, e cila i thotë se ka qenë mikeshë me të në vitin 1961. Veç kësaj, Anën e habit lajmi se atë po e ndjek hap pas hapi një grua me të kuqe.

Fytyra të panjohura i shfaqen Anës në çdo qoshe. Këtë herë është një grua, me emrin Hajdrun Draj, e cila thotë se ka qenë mikeshë e Anës në vitin 1961. Edhe ajo dëshiron ta ndihmojë Anën në misionin e saj të veçantë dhe e paralajmëron për një grua me të kuqe, e cila i është qepur pas Anës. Po ku i di të gjitha këto Hajdrun Draj?

Ana e sjell kutinë muzikore për ta riparuar te orëndreqësi. Por për Paul Vinklerin kjo është më shumë se një porosi klientësh. Ai mendon se e ka njohur dikur Anën. Po a mund të jetë e mundur kjo? Ajo sapo ka ardhur.

Kur Paul Vinkleri liron vidat e kutisë muzikore me kurdisje gjen në brendësi të saj një copë letër, me kodin shifror 19610813. Çfarë kuptimi kanë këto shifra? Dhe për se e ka fjalën Paul Vinkleri? Ana i lutet atij që ta riparojë kutinë muzikore, ndërsa ai i thotë se e njohin njëri-tjetrin. Në këtë situatë të ngatërruar, Ana e memorizon stadin ku ka arritur loja dhe bën një përmbledhje të rezultateve. Asaj i mbeten 90 minuta dhe dy jetë. Ajo ka vajtur pas muzikës, por çfarë kuptimi ka "In der Teilung liegt die Lösung"?

Ana gjen në Kantstrasse një dyqan orësh, por ai është i mbyllur. Ajo mëson se pronari ndodhet në një kafene. Ajo dhe pronari duket se e njohin njëri-tjetrin. Anës i mbeten ende 100 minuta. A do t'i mjaftojë koha?

Ana mëson se Leo Vinkleri nuk jeton më. Një burrë që po luan në një organo dore me manivelë i tregon se dyqani i përket tani të birit të Leo Vinklerit, Paulit. Kakaon e tij ai e pi përditë në një kafene jo larg. Ana shkon po te kjo kafene dhe porosit një kafe. Në kafene ndodhet një burrë që mban një varëse të argjendtë, me një violinë të vogël. Ai i buzëqesh Anës. Komisar Oguri shfaqet dhe e paralajmëron Anën, se misioni i saj është i rrezikshëm- njësoj si organizata RATAVA. Ana bëhet kureshtare dhe i shkon pas burrit të vjetër me varësen e argjendtë.

Ana niset për në Kantstraße, por ndalon sepse i duhet të pyesë për rrugën si shkohet atje. Ajo humbet edhe më tepër kohë, kur shfaqen sërish motoçiklistët me helmeta të zeza dhe hapin zjarr kundër saj.

Burrat në motoçikleta nuk e lënë të marrë frymë Anën. Në misionin e saj ka edhe një zvarritje tjetër: kur ajo po pyet fëmijët me patina për rrugën, kundër saj hapin zjarr helmetzinjtë. Pas rifillimit të lojës ajo mbërrin më në fund e padëmtuar në Kantstraße. Po a do të gjejë ajo atje atë që kërkon?

Kur Ana po u përgjigjet pyetjeve të komisarit, ata ndërpriten nga zhurma motoçikletash dhe të shtëna. Ana largohet me vrap dhe zbulon se mbi kutinë muzikore kanë shkruar një adresë. A do ta ndihmojë atë kjo gjurmë?

Ana futet në një muze, për të shpëtuar nga ata që e ndjekin. Nga frika, se policia mund ta kërkojë prapë dhe për t'u shpëtuar motoçiklistëve të armatosur me helmeta të zeza, ajo fshihet në WC-në e burrave. Atje ajo zbulon një adresë të shkruar në kutinë e vjetër muzikore me kurdisje: ajo i referohet Leo Vinklerit në Kantstraße. A është gjallë akoma Leo Vinkleri dhe a mund t'i ndihmojë ai asaj?

Misioni i Anës është që ta shpëtojë nga një fatkeqësi Gjermaninë. Ajo duhet të zgjidhë enigmën dhe të ruhet nga burrat e panjohur me motoçikleta. I mbeten 130 minuta kohë. Po çfarë i tërheq vëmendjen asaj fillimisht?

Ana zgjohet në Dhomën 14 të një hoteli gjerman. Një komisar policie ndodhet rrugës për në dhomën e saj. Komisar Oguri prezantohet dhe deklaron se në Dhomën 40 kanë vrarë një klient të hotelit. Në pasqyrën e banjës ai gjen një mesazh misterioz: "In der Teilung liegt die Lösung; folge der Musik". Ana shkon me komisarin në hollin e hotelit, për t'ju përgjigjur disa pyetjeve të tij, por çfarë kuptimi kanë lajmi misterioz dhe kutia e vjetër muzikore e prishur, që ka gjetur Ana në dhomën e saj?