Mir rede vo Paris, offnige Rächnige, üsne Karriere aus Models und üsne Erfahrige mit Nikotin. 
Mir Brainstorme, was dr Schlüg ad Fasnacht chönnt alege und zum Schluss wirds sogar no chli politisch.
Bis nächschte Mänti
hdl ciao

Mir plöiderle mau wider chli usem Näichäschtli. Mir rede vo üsne Zwangsneurose, üsne Lieblingssauce und chli vom Hockey us dr Chindheit. Häbets guet u bis gli. 
LG öi zwöi süesse Boys

Theme i dere Foug: Kontakt mit dr Dorfpolizei, Ässe, Chino und dr nöi Joker. Das wärs gsi. Viu Spass!

Weles Land het di beschti Chuchi? Zu welem Snack grifft me bim Selecta-Outomat zu späte Stunde? Antworte uf Frage, wo d Mönschheit defintiv bewegt, finget dir i dere Foug (logisch, wöu süsch würds ja nid ir Beschribig stah).
Häbet e gueti Wuche.

Die Wuche hei mr ds erschte mau via Video-Call ufgno. Hoffe die technischi Inovation füehrt zu weniger Lücke bezüglech üsne Uploads. Das mr enang ab und zue drirede, ligt a dr Verzögerig wos git bim telefoniere. 
Mir hei ämu e müede Schlüg und e gsprächige Jona i dere Foug und mängisch isch sogar chli Töifgang derbi. 
Man hört sich.

Müessts eifach hurti lose:)

Hüt giz paar Gschichtli usem WK vom Jona. Biudigstechnisch mache mr die Foug e absolute Höheflug, wöu mr mau chli ds Thema Literatur aschnide. Zum Abschluss giz vilech no paar Jugendsünde. Chline Tipp: Loset dr Podcast bis zur letschte Sekunde.
Hiubi Chiubi

Wer isch di beschti Lehrperson am Gymer gsi, was isch ds beschte Schoggistängeli und weli Sekte trifft sech ufem Gurte? Di erfahrets i dere Foug.
Freundliche Grüsse
Schlüg und Jona

Mir hei e Schatz us dr Vergangheit usgrabe. D Red isch vom Mulus oder i angerne Wort d Maturzitig. Mir löh d Hose abe und läse nech drus vor, was angeri über üs gschribe hei.
Much Lööv und bis gli!

Letscht Wuche isch ghüratet worde und dr Schlüg isch Trouzüge gsi. Er vrzeut nech chli vo de Festivitäte.
Weles isch eich di beschti Pizza und dörfe Froue uf ds Männer-WC?
Das und witeri Theme i dere Foug. 
Enjoy. See ya <3