同學各位找個位，襯住九月開學季，今個禮拜回到過去，同大家穿越返去中學青春嘅校園時光。連線過大海搵埋老朋友Cyrus一齊傾吓奇妙的友誼緣份，仲摷返十幾年前嘅紀念冊互相傷害！要做到友誼萬歲難啲，定係生活快樂難啲呢？你哋又有無啲咩中學嘅難忘友情回憶？上嚟IG: me.stillalive 一齊share!

終於等到呢一集，毛E同大家盡訴心中苦！每次都要受盡委屈先可以錄音嘅毛E，寄人籬下嘅苦況又豈能為別人所道？究竟點先可以脫離香港聞名全世界嘅土地問題？唔知大家又有冇遇到咩事令你決定要獨立生活？定係選擇委屈地共存？⋯唯有一齊FF下自主嘅生活，歡迎上黎摸擬嘅網上屋企IG投訴一下：me.stillalive 🏡

慎入！今集我哋兩個飲大兩杯，酒後吐真言，語無倫次到巔峰！分享毛E兩人最瘋癲嘅醉酒經歷，仲有呀E去脫衣舞廳嘅狂放事件！微醺後我地最掛住嘅係咩要不停係咁講？為達到最佳收聽效果：聽眾一齊飲住聽我地喪笑發酒癲！🍻 instagram: me.stillalive (飲酒過量危害健康 未成年請勿飲酒)

認識新朋友時就會性情大變，就算內心好澎湃但都唔敢表現出嚟？呢一種「雙面人」唔知大家身邊有冇呢？呀毛呀E今集剖析自己嘅社交面具，探討究竟有咩方法打破同人嘅交際隔膜，分享實用人際應對小貼士！素未謀面嘅聽眾們，你地對我地嘅感覺又係點架呢? ⋯上黎Instagram: me.stillalive 話我地知！

日日係屋企對住堆積如山嘅衫褲，仲有一大堆冇用嘅物品，點算好？唔執唔執還需執，聽吓我哋有咩整理屋企，電腦，甚至人生(?) 嘅心得！Spark joy 斷捨離就好多人聽過，呀毛自己都有一套狠心掉嘢大法！Follow us on Instagram: @me.stillalive 一齊傾！

你記唔記得對上一次喊係幾時？因一個人痛哭？定係說好不哭？今集呀毛呀E決定打開心靈之窗，黎個深情對答⋯究竟邊個係大喊包，邊個淚一傾出不會收？即刻click入黎收聽！聽完再上我地IG: me.stillalive 講下眼淚教你的事!

踏入初老既呀毛呀E，同大家分享下佢地保持身體健康既心得，唔通所有野都同年紀有關？同場加映兩人既獨門秘方，大家聽完試下有冇用，黎IG講返俾佢地聽: me.stillalive

每個人生活上都總有啲奇怪小習慣，我地就收集咗聽眾們既小怪癖，等我地今集一齊檢閱吓究竟邊個係怪中之怪！唔肯清notifications既呀E? 有裸露癖既呀毛? 定係...你？即刻聽下你有無中幾項！

一個人係自由自在，定係寂寞難耐？一個人會上癮，定係一個人原來都可以盡興？我地傾吓一個人點樣搵到樂趣，一齊check吓你既孤獨指數有幾高，會唔會夠呀E咁犀利？

踏入第十集呢個里程碑，我地決定搞搞新意思——拖埋好朋友JanJan落水傾下計。今集主題開正呀毛個瓣，講自戀！自戀既人係咪一定自信？呀毛分享佢大學professor既自信金句，我地就爆下呀毛以前既黑歷史（雖然好似到依家都無變過）⋯