Mohammad Itani - محمد عيتاني

أدعم المحتوى على رابط باتريون

https://www.patreon.com/mohammaditani

٩ اسباب ليش الناس بتتجاهلك

ما في شي بحسسك بالارتباك و الحيرة اكتر من انو تحس حدا عم يتجاهلك

يمكن تكون بجمعة مع اصدقائك او باجتماع عمل و تحس انو هالاجتماع كان ممتاز و تطلع سعيد جدا 

لكن للمفاجئة لما ترجع تجرب تتصل لترتيب لقاء اخر بتكتشف انو هالشخص عم يتجاهلك

حتى التجاهل يمكن يجي من شخص عزيز جدا عليك و بتعرفو من زمان

كلنا بوقت من الاوقات مرقنا بهيك ظرف و منقعد منسال شو عملنا شي غلط؟ 

ليش عم يتصرفو معنا بهالطريقة؟ 

لا بد انو هالامر ترك فيك شعور سيء بخليك بحيرة من امرك

 و كتار منا ببلش يلوم حالو، هلق في اوقات ممكن تكون مش انت السبب

لكن، ايضا بكتير من الاوقات، ممكن  تكون تصرفت بطريقة خاطئة عبر سبب او اكتر من هول الاسباب ال ٩ يلي لح نذكرهن بهبدا الفيديو 

و هول الاسباب لح نبدا فيهن حالا

كيف تفرض احترامك على الاخرين

صوت الانسان

واحد من اقوى الاسلحة على هيدي الكرة الأرضية

بهيدا الصوت ممكن تعلن الحرب

او تقول لشخص بهمك امرو بحبك

بالرغم من انو الصوت  وسيلة مهمة الله وهبنا هي  و منستخدمها يوميا 

 لكن مع الاسف ما حدا علمنا كيف نستعملها بالطريقة الصحيحة

 لا بالمدرسة ولا بالجامعة ولا باي مكان اخر

بالنظام التعليمي الحالي

ممنوع منعا باتا التلميذ يتخرج من المرحلة الابتدائية اذا ما بيعرف يقرأ و يكتب

لكن من الطبيعي جدا انو تشوف طالب تخرج من الجامعة بدرجة عالية  و ما بيعرف يحكي بالطريقة الصحيحة 

من شان هيك كتار منا بحسو انو الكلام يلي عم يحكو غير مؤثر و بالتالي منحس حالنا مهمشين و ما حدا عم يسمعلنا ولا حدا عم يحترمنا

لكن بعد هيدا الفيديو منظورك لح يتغير و لح يصير عندك سلاح سري قادر تستخدمو ساعة الي بدك

فاذا كان عندك  كلام مهم حابب توصلو  

مثل انك  

بدك تطلب زودة من مديرك

او اذا كنت بحماضرة عامة

او بدك تسكر صفقة تجارية مهمة

بدك تطلب ايد حبيبتك من عمك 

و بدك وقع هالكلام يكون مؤثر جدا

احضر معي هابفيديو للاخر للن هول النصائح ماخوذين من واحد من اهم اساتذة علم  الكلام  جوليان تريجر 

فجاهزين

يللا نبلش

الوحدة مرض العصر 

كتار منا بيشعرو بالوحدة رغم انهن محاطين بآلاف الاشخاص 

نحن اليوم عنا القدرة انو نتعرف على اشخاص اكتر من اي وقت بالتاريخ 

 العالم صار موصول ببعض بطريقة غريبة

فيك تكمش تلفونك و تحكي مع حدا عالمية التانية من الكرة الأرضية بكل سهولة

مع ذالك منحس احينا بالوحدة لان ما منلاقي حدا بيستاهل صداقتنا

 او حتى بيستاهل انو نستنجد فيه  لنشاركو المشكلة يلي وقعنا فيها

المشكلة اذا مش بالعدد

المشكلة بنوعية العلاقات تبعيتنا

الوحدة اليوم ما بتتفسر بعدم وجود علاقات

 الوحدة بتتفسر ليش بين مئات، بل  آلاف الاشخاص يلي بتعرفهم

 قلة نادرة فقط بيرتقو ليوصلو لمرحلة العلاقة المتينة

هل في قاعدة ثابتة اذا منتبعها باي علاقة ممكن نرتقي فيها لمستوى العلاقة المتينة

اكيد في و هيدي القاعدة لح تفصلها بهيدا الفيديو يلي هو الحلقة الأخيرة من سلسلة من غريب الى حبيب 

جاهزين 

يلا نبلش

لمشاهدة الفيديو على يوتيوب

https://youtu.be/eiVV4opx5Cg

فن الإقناع | كيف تقنع اي شخص بأي شيء (طريقة مجربة)

سنة ١٩٩٨ اتوظفت باول وظيفة لي كمندوب مبيعات بشركة اجهزة كومبوتر بدوام

بوقتها كنت بعدني زغير

 و عضمي طري

و ما بعرف شي

 مش عم اعرف بيع جهاز واحد

او اقنع مديري بتعديل الدوام 

او حتى اقنع صاحب الكافيتيريا انو يعطيني ظرف كاتشاب اضافي

بنفس الوقت كان في شب بذات  الشركة 

شب غريب جدا 

قادر يقنع اي شخص باي شي

كان مندوب المبيعات الاول بالشركة

ما يمر النهار الا ما يكون بايع جهازين او ثلاثة

علاقتو ممتازة مع المدير

و المدير ما بيرفضلو اي طلب

بتحسو قادر ياخد اي شي من اي شخص و هو مبتسم و راضي

حبيت اتقرب منو اكثر و اتعلم كيف عم يقدر يقنع اي شخص باي امر

شو هالموهبة السحرية يلس عندو

شو السر يلي عم يخيلي اي شخص يقتنع بالطلب يلي عم يطلبو منو

فصرنا نخرج سوا خارج دوام العمل

فلاحظت انو حتى خاىج نطاق ااعمل كانت هالموهبة عم يستفيد منها بحياتو اليومية

كان المر  سهل  جدا بالنسبة الو و كانو لعبة

فهون قلتلو للزم تعلمني انت كيف قادر تقنع اي شخص بالطلب يلي بدك 

بتذكر وقتها ابتسم و قلي لح علمك طريقة من ٣ خطوات اذا اتقنتها حياتك لح تتغير جذريا

و فعلا هيدا الي صار 

من وقت ما تعلمت هالطريقة كل شي تغير

على الصعيد المهني

على صعيد العلاقات الاجتماعية 

و هيدي الطريقة لح نتعلمها بالتفصيل بهيدا الفيدسو

فاذا اتقنتها

لح تقدر تقنع اي شخص باي امر بدك ياه و حيكون ااشخص راضي و سعيد

فمتل العادة دفتر ملاحظاتك و قلم 

و يلا نبلش

السلام عليكم ورحمة الله وبركاته 

معكم اخوكم محمد عيتاني 

اذا كنت من الاشخاص يلي حابب تطور من نفسك و من عملك 

و تكون مميز بمجتمعك

فاهلا بيك انت  بالمكان الصحيح

لمشاهدة الفيديو على يوتيوب

https://youtu.be/ZyW0uei13DQ

كن مشترك داعم للقناة :

https://www.youtube.com/channel/UCUiZt28AYo1Mv37kg_TrlNQ/join

Facebook:

https://www.facebook.com/mohammditaniyt

Instagram:

https://www.instagram.com/mohammditaniyt/

Twitter:

https://twitter.com/Mohamma06833805?s=09

للتواصل عبر واتساب

Whatsapp

https://wa.me/message/PCW7PEKH6ZHLI1

كن مشترك داعم للقناة :

https://www.youtube.com/channel/UCUiZt28AYo1Mv37kg_TrlNQ/join

Facebook:

https://www.facebook.com/mohammditaniyt

Instagram:

https://www.instagram.com/mohammditaniyt/

Twitter:

https://twitter.com/Mohamma06833805?s=09

للتواصل عبر واتساب

Whatsapp

https://wa.me/message/PCW7PEKH6ZHLI1

كيف تحول او شخص من غريب ما بيعرفك الى حبيب ما بيتخلى عنك

ليش في ناس او ما نشوفها منرتحلها و  منحس كانو منعرفها من زمان 

و شو هني افضل الطرق للتقرب من شخص بعد ما بيعرف اي شي عنك

كل هالاسئلة لح نجاوب عنها بهيدا الفيديو من سلسلة من غريب الى حبيب 

جاهزين؟

يلا نبلش

لمشاهدة الفيديو على يوتيوب:

https://youtu.be/QsWGKvNRHSo

كيف تقدر تلفت نظر اي شخص

 بدون ما تحكي ولا كلمة 

و ليش في ناس من اول ما تشوفهم بترتحلن

بينما في ناس تانيين اول  ما تشوفهم بتقول يا اخي هالزلمة ما حبيتو

ليش في اشخاص دغري بيلفتولك انتباهك بينما في ناس تانيين ما عندهم اي تاثير عليك 

شو هو الحب من اول نظرة؟  

و هل منقدر نحن نتحكم بهالموضوع و نحضر ارضية جيدة لنترك انطباع جميل من اول لقاء؟

كل هالاسئلة لح نجاوب عنهم بهيدا الفيديو

يلي هو الحلقة التانية من سلسلة من غريب الى حبيب

فجأهزين نبلش هالفيديو

يلا نبلش

لمشاهدة الفيديو على يوتيب:

https://youtu.be/KAp_oEi9LiI

كيف تخلي اي شخص يحبك

مش بس يحبك و يوقع بغرام شخصيتك

ليش في اشخاص عندهم موهبة انو يخلو اي شخص يوقع بحبهم على الصعيد الشخصي و المهني و حتى على الصعيد العاطفي

بينما اشخاص تانين يمكم يكونو بنفس الجمال الخارجي و حتى احلى لكن ما بينجحو بكسب صداقات او الحفاظ على علاقات طويلة الامد

كيف فينا نطور اي علاقة من مرحلة 

غريب

 الى معرفة عامة

الى صديق 

ثم الى حبيب 

حتى لو كان هالشخص بيعتبرك عدو بمرحلة منوالمراحل

هيدي السلسة لح تقلك عالزبط شز هني الخظوات و الادوات المطلوبة بكل مرحلة من هول المراحل حتى تخلى الشخص ينتقل من شخص غريب ما بيعرفك الى شخص بحبك جدا

و لح تكتشف ان تكوين العلاقات المتينة هو امر بمتناول يديك

بكل بساطة عبر استخدام الادوات الصحيحة بالوقت الصحيح

هول الادوات ممكن تستعملهم بعلاقاتك بالبيت بالعمل

او با مكان يحتاج الى تفاعل بين شخصين

مثلا مندوب المبيعات بيقدر يستخدم هالادوات حتى يقدر يبيع اكثر و يحافظ على الزبون و يبني علاقة قوية بتدوم لسنين

الاهل بيقدرو يستخدمو هول التقنيات لتصليح و تقوية  العلاقات مع الاولاد حاسين  انو وصلو لطربق مسدود

و طبعا الاشخاص يلي عم يبحثو على علاقات عاطفية  جدية و متينة بيقدرو يستخدمو

هول الادوات للارتقاء بالعلاقة 

 و كمان بهيدا الفيديو لح نفهم و شو هي هاي ظاهرة الكراش اخر فترة و مين وين طلعت 

فجاهزين؟

لمشاهدة الفيديو على يوتيوب

https://youtu.be/fHQYcVwkcbU

حقيقة المال المرة

شو اول شي بتعملو اذا كان معك مليون دولار؟ 

طب شو اول شي بتعملو اذا كان معك ١٠ مليون دولار؟ 

١٠٠ مليون 

مليار دولار؟ 

المقدمة اوبرا وينفري  تملك حاليا  ٣ مليار دولار

بيل غايتس صاحب مايكروسوفت يملك حوالي ١٠٠ مليار دولار

جيف بيزوء مؤسس موقع امازون تقدر ثروتو بحوالي ١٥٠ مليار دولار... 

لكن على المقلب الاخر في انت

انت عم تدرس لاتخرج و تشتغل بوظيفة 

او  تخرجت و عم تشتغل بوظيفة صرلك سنين

حسابك بالبنك أقرب الصفر من ثروة بيب غايتس

مصاريفك الشهرية عم تزيد 

المعاش عم يخلص قبل ما يخلص الشهر.. 

او حتى يمكن عندك شغلك الخاص 

لكن دايما حاسس حالك علقان

مخنوق

 مش قادر تتطور

ليش هيك عم يصير؟ 

ليش في ناس متل بيل غايتس حسابو بالبنك عم يزيد كل ثانية بشكل مخيف

مين هول الناس؟ 

اكيد محظوظين

او غشاشين

او داخلين بجمعيات سرية عم تساعدعم

لمشاهدة الفيديو على اليوتيوب:

https://youtu.be/6NxqEfkVYBo

اسىرار تنظيم الوقت

شو العامل المشترك بين بيل غايتس و عبودي يلي قاعد عالقهوة؟ 

و ليش عبودي ما عندو شي الا انو يقعد عالقهوة و بيل غايتس بياربع عرش اكبر شركة برامج بالعالم و ثروتو تقدر ب ٨٠ ميليار دولار؟ 

هيدا الفيديو لح يعلمك اهية الوقت لح نعرف كيف ناس متل بيل غايتس و مارك  وصلو لهالثرة الهائلة

فاذا انت من الاشخاص يلي دايما بقول الشغل فوق راسي و مش ملحق 

او بتقولي مش ملحقة على شغل الببت و الاطفال 

احضر هالفيديو للاخر 

 لان بهيدا الفيديو لح نمشي خطوة خطوة بنظريات تنظيم الوقت يلي اتطورت مع الزمن

و باخر هيذا الفيديو لح اعطي ٦ نصائح سهلة جدا و عملية اي حدا منا في يطبقها حتى يحس بتغيير كبير بحياتو و ينظم وقتو بفعالية كبيرة 

جاهزين

يلا نبلش

رابط الفيديو على يوتيوب

https://youtu.be/5pe12Xzag-A