Moiesstudio

Nom Referendum vu gëschter: d'Reaktioun vum Ierpeldenger Buergermeeschter Claude Gleis

Den Zentrum fir d'Lëtzebuerger Sprooch (ZLS) huet a senger Serie iwwer de Lëtzebuerger Wuertschatz en neie Band erausbruecht. Déi Kéier geet et ëm d'Déierewelt. Dozou e Gespréich mam Armand Becker vum ZLS.

De Jean-Claude Majerus ass ee vun den Animateuren, deen d'Kanner duerch déi Nuecht begleet. Hien erkläert eis, wat um Programm steet a wéi ee sech kann umellen.

Nach bis e Sonndeg kann een am alen Arbedsgebai op der Gare (haut Spuerkeess), d’Ausstellung De Mains de Maîtres kucke goen. Et ass déi 5. Editioun vun dëser Biennale vum Konschthandwierk, déi 2016 ënner der Schiermherrschaft vun der Grande-Duchesse Stéphanie an d’Liewe geruff gouf.

D’Paule Rodesch war sech d’Expo ukucken an huet mam Direkter vun der Chambre des Métiers Tom Wirion a mam Commissaire général vun der Biennale, de Jean-Marc Dimanche, iwwer d’Bedeitung vun där Ausstellung fir d’Konschthandwierk geschwat. A virop iwwer de Choix vum Theema vun dësem Joer: “Nature singulière”.

D'Ëmweltorganisatioun Mouvement écologique huet d'Martine Hansen gëschter schaarf kritisséiert, si géif d'Biolandwirtschaft op Käschte vun der konventioneller Landwirtschaft vernoléissegen. Déi viséiert Ministesch reagéiert op d'Reprochen.

E Grupp vun ca 70 Leit, déi Affer vun enger Fraude - haaptsächlech, mee net nëmme, bei der BIL - goufen, hunn den Affekot Me Marc Theisen beoptraagt, hir Interessien ze vertrieden.

Vun haut den Owend un, an nach bis e Sonndeg mat, ginn et an der Luxexpo um Kierchbierg nees ë. a. kulinaresch Spezialitéiten aus der ganzer Welt.

An der Abtei Neimënster gëtt haut den Owend (20.11.) un de John Castegnaro erënnert, dee fréieren OGBL-President, deen 2012 gestuerwen ass. De LISER an den Institut Pierre Werner invitéieren zesummen op eng Diskussiounsronn, un där ë. a. de Jean-Claude Juncker, d’Colette Flesch an de Guy Castegnaro (Fils vum John) iwwer déi aktuell Erausfuerderunge vum Aarbechtsmaart an de Sozialdialog diskutéieren. An natierlech wäert iwwer deem ganzen Owend d’Fro schwiewen: wat géif de John Castegnaro wuel doriwwer denken an dozou soen, wann hien haut nach do wier?

D’Hausaufgabe wieren een Thema, dat verschiddene Famille Suerge mécht, stellt d’Presidentin vum OGBL-Syndikat Erzéiung a Wëssenschaft fest. “Ech denken, datt déi allermeeschten Enseignanten, déi maachen dat uerdentlech an déi ginn Aufgaben esou, wéi et fir d'Kanner och ze bewältegen ass”, esou d’Joëlle Damé.

De Serge Kesseler huet mat der Gewerkschaftspresidentin geschwat.

D’Chipsystemer vum Konzern hu sech zu enger Schlësseltechnologie fir Software mat Kënschtlecher Intelligenz entwéckelt a ginn antëschent an alle grousse KI-Modeller agesat, wéi Chat GPT oder Gemini. Gëschter Owend huet Nvidia säi Bilan vum 3. Trimester vun dësem Joer presentéiert - an huet all Erwaardungen iwwertraff. Eigentlech war am Virfeld gefaart ginn, datt et no der Presentatioun zu engem Crash op der Bourse géif kommen. Deen ass awer um Enn ausbliwwen. Erklärunge vum Paule Rodesch