.

.

- Монголын үндэсний уламжлалт сар шинийн баярыг тохиолдуулан өнөөдөр Монгол Улсын ерөнхийлөгчийн зарлигаар эрхэлсэн ажилдаа үр бүтээлтэй ажилласан салбар, салбарын ажилтнууд төрийн дээд цолоор шагнуулж, шагналын хур буулаа. Тухайлбал, соёл урлагийн салбарт Монгол Улсын соёлын гавьяат зүтгэлтэн, гавьяат жүжигчин, урлагийн гавьяат зүтгэлтнүүд шинээр төрөн гарлаа. - Банк бус санхүүгийн байгууллагуудын хөрөнгийн доод хэмжээг энэ сарын 10 гэхэд нэмэгдүүлэх тогтоолыг санхүүгийн зохицуулах хорооноос баталсан. Ингэснээр үйл ажиллагааны зардал буурч үүнийг дагаад зээлийн хүү буурах боломжтой. Тэгвэл хөрөнгийн доод хэмжээг нэмэгдүүлэх хуваарийг нэг жилээр хойшлуулжээ.

.

.

.

- Цар тахлын болзошгүй аюулаас урьдчилан сэргийлэх, эрсдэлийг бууруулах зорилгоор засгийн газраас сар шинийн баярыг нийтээр тэмдэглэхгүй байх шийдвэрийг энэ сарын 4-нд гаргасан. Учир нь монгол түмний уламжлалт сар шинийн баярын зан үйлүүд цар тахлын үед тохиромжгүй буюу халдвар тархаах өндөр эрсдэлтэй гэж мэргэжилтнүүд үзэж байна. -

Ирэх 2-р сард хилийн чанадаас иргэдээ татан авах тусгай үүргийн нислэгийн хуваарийг эцэслэн баталсан байна. Ингэхдээ хоёрдугаар сараас эхлэн долоо хоног бүр тусгай үүргийн нислэг үйлдэж, сард дунджаар 800-1000 иргэнээ татан авахаар төлөвлөжээ. - Хоёр зуу гаруй хоногийн хугацаанд гүйцэтгэх эрх мэдлийг хэрэгжүүлсэн засгийн газар өнгөрсөн долоо хоногт бүрэн бүрэлдэхүүнээрээ огцорсон. Тэгвэл өнөөдөр монгол улсын 32 дахь ерөнхий сайдыг томилох асуудлыг УИХ-ын чуулганы нэгдсэн хуралдаанаар хэлэлцэж, 87.9 хувийн саналаар УИХ-ын гишүүн Л.Оюун-эрдэнийг ерөнхий сайдаар томиллоо.

-

Америкийн нэгдсэн улсын “Дисней Плас” видео стриминг үйлчилгээний бага насны хүүхдэд зориулагдсан сувгаар Дамбо, Петер Пан болон Аристо муурнууд тэргүүтэй хэд хэдэн бүтээлийг гаргахыг хоригложээ. Тус компанийн удирдлагуудын зүгээс хүүхэлдэйн киноны жагсаалтыг шинэчилж, 6-аас доош насны хүүхдүүдийг үзэхийг хориглосон байна. -

Ирланд улсын Дублин хотод амьдардаг Монгол эмэгтэй дээрмийн халдлагад өртөж, хүзүүндээ хутгалуулсан тухай тус улсын хэвлэлүүд өчигдөр мэдээлжээ. Цагдаа болон түргэн тусламжийнхан хохирогч эмэгтэйг нийслэл хотын Матер эмнэлэгт хүргэж, хагалгаанд оруулсан бөгөөд амь насанд нь халгүй гэж мэдэгдсэн байна.

.

- Бүгд найрамдах Энэтхэг улсын засгийн газар даваа гарагт Ковид-19-ын эсрэг вакциныг хөрш орнууддаа үнэ төлбөргүй экспортлох шийдвэр гаргасан байна. Тэгвэл өнөөдөр Энэтхэг улсаас Монгол улсад суух элчин сайд М.П.Сингх ерөнхий сайдад бараалхаж тус улсын ерөнхий сайд Нарендра Моди манай улсад цар тахлын эсрэг вакцин нийлүүлэхээр шийдвэрлэсэн захидлыг танилцуулжээ. - Энэ сарын 17-ны өдөр боловсрол шинжлэх ухааны сайд, оюутны төлбөр төлөлтөд уян хатан зохицуулалт хийх, олон үе шаттай хуваан төлөх боломж олгох, хөнгөлөлтийн бусад хэлбэрийн дэмжлэг үзүүлж ажиллах тухай их, дээд сургуулиудын захирлуудад үүрэг чиглэл өгчээ. -

Эдийн засагчдын тооцооллоор энэ онд Ковид-19 халдварын эсрэг вакцин гарсантай холбоотойгоор эдийн засагт эерэг төсөөлөл гарах найдвар байгааг хэлж байна.

- "Самсунг электроникс" компанийн дэд ерөнхийлөгч, "Самсунг" группийн өв залгамжлагч Ли Жэ Ён авлигын хэргээр хоёр жил зургаан сар хоригдох ял авжээ.

-

Америкийн нэгдсэн улсын одоогийн ерөнхийлөгч Доналд Трамп төрийн тэргүүний суудлаасаа буухаасаа өмнө 100 хүнд өршөөл үзүүлэх тухай ойрын эх сурвалжууд нь мэдээлжээ.

.