-

2020 оны 1 дүгээр сараас эхлэн "Ковид-19" халдвараас урьдчилан сэргийлэх зорилгоор хөл хорионы дэглэм тогтоосонтой холбогдуулан бүх шатны сургалтын байгууллагын танхимын хичээлийг цахим хэлбэрт шилжүүлсэн. Тэгвэл их дээд сургуулиуд цахимаар хичээл, сургалтаа явуулж байгаа ч танхимд хичээллэж байсан үеийнхтэй ижил хэмжээний сургалтын төлбөрийг оюутнуудаас авсан хэвээр байна. - Үндсэн хуулийн нэмэлт, өөрчлөлтөд нийцүүлж, шүүхийн реформ хийх зорилготой "Шүүхийн тухай хууль"-аа шинэчлэн найруулж, өнөөдөр эцэслэн баталлаа. Хуулиар шүүх, шүүгчдийн хараат бус байдлыг хангах, хариуцлага сахилгыг дээшлүүлэх асуудлыг нарийвчлан зохицуулсан байна.

.

- Өнгөрөгч 2020 онд улс төр, албан тушаалын гэх тодотголтой олны анхаарал татсан зарим хэргийг шийдвэрлэсэн. Тодруулбал Нийслэлийн прокурорын газраас 2020 онд хяналт тавьж, шүүхэд шилжүүлсэн хэргүүдээс нийт 48 гэмт хэрэгт 21.5 тэрбум төгрөгийн хөрөнгийг хурааж, улсын орлого болгохоор шүүхээр шийдвэрлүүлсэн байна.

- Оюутолгой төслийн 2020 оны техник эдийн засгийн шинэчилсэн тодотголоор төслийн эдийн засгийн үр өгөөж буурах тооцооллыг хөрөнгө оруулагч талаас гаргажээ. Өөрөөр хэлбэл, манай улс 2051 он хүртэл ногдол ашиг авахгүй бөгөөд 22 тэрбум ам.долларын өртэй үлдэх тооцоог гаргасан байна. -

Цар тахлын нөлөөнөөс үүдэж, иргэдэд санхүүгийн хүндрэл үүссэнтэй холбогдуулан засгийн газраас оюутны хөгжлийн зээл олгох, эргэн төлүүлэх журамд өөрчлөлт орууллаа. Ингэснээр 2020-2021 оны хичээлийн жилд дотоодын их дээд сургууль, коллежид суралцаж байгаа оюутнуудад хоёр хэлбэрээр сургалтын төлбөрийн буюу нийт 24.8 тэрбум төгрөгийн дэмжлэг үзүүлэхээр болсон байна. - Цар тахлын онцгой үед хөл хорио болон тусгаарлалтад орсон, хүндэтгэн үзэх бусад шалтгаанаар ажилдаа ирж чадаагүй ажилтанд хөдөлмөрийн тухай хуулиар тухайн ажилтны үндсэн цалингийн 50 хувийг олгохоор зохицуулсан байдаг. Монгол улсад үйл ажиллагаа явуулж байгаа төрийн болон хувийн байгууллагуудын бүхий л хөдөлмөрийн харилцаа тус хуулиар зохицуулагдах ёстой юм. - Хөл хорио тогтоогдсон өдрөөс буюу 11-р сарын 11-ний өдрөөс эхлэн зарим иргэд болон аж ахуйн нэгжийн үйл ажиллагаа зогсож, орлого нь тасалдаад 2 сар гаруй хугацаа өнгөрч байна. Тэгвэл өнөөдөр жижиглэнгийн худалдаа эрхлэгчид МУ-ын ерөнхий сайд У.Хүрэлсүх болон улсын онцгой комисст шаардлага хүргүүлэхээр засгийн газрын ордны гадаа цугларлаа.

.

- Энэ сарын 8-нд Монгол улсын ерөнхийлөгч Х.Баттулга "Оффшор бүсээс орж ирсэн хөрөнгөөр өрх бүрд нэг сая төгрөгийн дэмжлэг үзүүлэх" УИХ-ын тогтоолын төсөл өргөн барьсан. Тэгвэл үндсэн хуульд зааснаар гадаад, дотоод бодлогын аль ч асуудлаар санал оруулах эрх ерөнхийлөгчид байдаг ч УИХ-ын тогтоол санаачлах эрх үл хамаардаг гэж хуульч тайлбарлаж байна. -

Дулааны 4-р цахилгаан станцын дөрвөн "Турбин генератор"-ыг өргөтгөж, төвийн бүсийн эрчим хүчний системд өнөөдөр холбосон байна. Ингэснээр манай улс ОХУ-аас авдаг эрчим хүчний импортыг хоёр дахин бууруулж, нийт хэрэглээнийхээ 98 хувийг дотоодоос хангах боломж бүрдэж байна.

-

Цар тахал дэгдсэнээр хүмүүсийн ажил орлого тасалдаж, ихэнх цагийг хөл хорионд өнгөрөөж байгаа ч энэ цаг хугацааг боломж болгон ашиглаж үр дүнтэй өнгөрүүлж байгаа сайн жишээ дэлхийд төдийгүй манай улсад ч олон байна. Тэгвэл тэдний нэг болох нэгэн залуу гэр бүл хөл хорионы өдрүүдэд байраа өөрсдийн гараар бүрэн засварласан байна. Ингэснээр тэд санхүүгийн хувьд ч багагүй хэмнэлт хийсэн байна.

- Ковид-19-ийн халдвартай нь батлагдсан иргэдтэй хавьтал болсон иргэдийг ажиглан тусгаарлаж байгаа байр ариун цэврийн болон халдваргүйтгэлийн дэглэмийг чанд баримтлах ёстой. Харин манай улсад тусгаарлах байрны орчин нөхцөл, стандарттай холбоотой санал гомдлууд гарсаар байна.

.

.

.

- Засгийн газар өнөөдөр хуралдаж, ирэх оны 3-р сарын 31-ний өдрийг хүртэл хэрэгжих зарим шийдвэрийг гаргалаа. Тухайлбал, 11 сар орчмын хугацаанд үргэлжилж байгаа хилийн хорио 2021 оны 1-р улирлыг дуустал үргэлжлэхээр байна.

- Энэ сарын 13-ны өдрөөс эхлэн сайжруулсан шахмал түлшний үнийг 75 хувиар буруулж нэг шуудай түлшний үнэ 973 төгрөг болоод байгаа бөгөөд өрх бүр 7 хоногт 6 шуудай түлш хэрэглэх хязгаартай юм. Харин иргэд түлш худалдан авахдаа зөвшөөрөл бүхий картаар үйлчлүүлж, түлш худалдан авсан гэх мэдээллээ бүртгүүлэх бөгөөд борлуулагч нар картгүй иргэдэд үйлчлэхгүй. - Сүүлийн өдрүүдэд хүйтний эрч эрс чангарч зам мөстсөнөөс халтиргаа үүсэж зам тээврийн ослын тоо нэмэгдэх болжээ. Өнөөдөр л гэхэд Монгол улсын боловсролын их сургуулийн уулзварт 6 осол болсон байна. Энэ дагуу Сүхбаатар дүүргийн замын цагдаагийн хэлтсээс хотын захиргаанаас давс цацаж халтиргааг багасгахыг хүссэн боловч давсаа гамнах шаардлагатай байгаа гэсэн тайлбарыг өгчээ.

.