"Биржийн арилжааг цуцлах уу, ингэснээр нүүрсний гаралт өсөх үү, ханш унасан энэ үед ямар зохицуулалт хийх вэ" гэсэн асуултад Сангийн сайд Б.Жавхлангийн өгсөн хариултыг сонсгоё.

Тэрбээр “Биржийн арилжаанаас ухрахгүй, харин тохируулга хийх замаар нүүрсний тоо хэмжээг нэмнэ” гэж хариуллаа.

Сангийн сайд Б.Жавхлангийн яриаг сонсоно уу.

2022 оноос эхлэн нүүрсийг биржээр арилжаалсан.

Үүнээс хойш өнөөдрийн байдлаар 12.4 сая тонн нүүрс экспортод гаргаад байна.

Жижиг, дунд үйлдвэр эрхлэгчдийн төсөл хүлээн авах хугацаа өнөөдөр дуусна.

Төвийн бүсийн аймгуудын жижиг, дунд үйлдвэр, үйлчилгээ эрхлэгчдийг дэмжихэд анхаарч төсвөө хуваарилсан гэж ЖДҮГ-аас мэдээллээ.

Төв, Дархан, Сэлэнгэ зэрэг аймгийн үйлдвэр үйлчилгээ эрхлэгчдийн төсөл нь шаардлага хангасан тохиолдолд илгээх бүрэн боломжтой.

Төв аймагт л гэхэд 8 тэрбум төгрөгийн зээл олгохоор төсөвлөсөн гэж Жижиг, дунд үйлдвэрийн газрын дарга н.Эрдэнэсайхан хэллээ.

Баянхонгор аймгийн Жаргалант сумын 1 дүгээр баг "Шинэ хоршоо" хөдөлгөөний хүрээнд 7 хоршоо байгуулсан.

Гэхдээ зээл олгох чиглэлд анхаарах хэрэгтэйг малчид хэлж байна.

Тухайлбал, мал өсгөн үржүүлэх, үржлийн чиглэлийн зээлийг хаасан.

Малчид техник тоног төхөөрөмж авах, газар тариалан эрхлэхээс илүү сайн чанарын малаар сүргийнхээ ашиг шимийг нэмэгдүүлэх сонирхолтой байна.

Баянхонгор аймгийн Жаргалант сумын 1 дүгээр багийн Засаг дарга н.Цэдэвсүрэнгийн яриаг сонсгоё.

Дархан-Уул аймгийн иргэн Энхболд, Алтанчимэг нар хоёр хүүхдийн хамтаар 21 аймаг 330 сумаар аялах аяллаа энэ сарын найманд эхэлжээ.

Тэд аймгийнхаа Найрамдлын талбайгаас эхэлсэн аяллаа 2 жил гаруй хугацаанд үргэлжлүүлнэ.

Нийт 57 мянган км замыг туулахаар төлөвлөжээ.

Дархан-Уул аймгийн иргэн, аялагч н.Алтанчимэг, н.Энхболд нар ярилаа.

Чехийн Засгийн газар 1996-2017 онд манай улсад 50 гаруй сая ам.долларын хөгжлийн тусламж үзүүлсэн байна.

Энэ нь хоёр улсын худалдаа, эдийн засгийн хамтын ажиллагааг өргөжүүлэн хөгжүүлэхэд зохих хувь нэмрээ оруулжээ.

Энэ хамтын ажиллагааг цаашид харилцан ашигтай хөгжүүлэхэд төрийн тэргүүний Чех улсад хийсэн айлчлал чухал ач холбогдолтой гэж үзэж байна.

Мөн айлчлалын үеэр Монгол Улсын Ерөнхийлөгч У.Хүрэлсүх, Бүгд Найрамдах Чех Улсын Ерөнхийлөгч Петр Павел нарын ивээл дор Чехийн Үндэсний музейд “Чингис хаан олон улсын үзэсгэлэн нээлтээ хийж, “Чингис хаан” одонт, Монгол Улсын Соёлын элч Морин хуурын найрал хөгжим Чехийн Ерөнхийлөгчийн ордон-Прагийн шилтгээнд “Монголын сайхан орон” тоглолтоо толилуулсан байна.

Түүнчлэн Чех улсад ажиллаж байгаа монголчууд энд төлсөн нийгмийн даатгалын шимтгэлээ эх орондоо тооцуулж тэтгэвэр тогтоолгох боломжтой юм.

Чех Улсад албан ёсны тоогоор манай улсын 14 мянга гаруй иргэд амьдарч хөдөлмөрлөж байна. Манай улстай нийгмийн хамгааллын гэрээ хэлэлцээр хийгдсэн цөөн орны нэг нь Чех улс юм. Үүний үр дүнд тус улсад ажиллаж байгаа Монгол Улсын иргэд тэнд төлсөн нийгмийн даатгалын шимтгэлээ эх орондоо тооцуулж тэтгэвэрт тогтоолгох боломжтой.

Түүнчлэн Монгол Улсын Ерөнхийлөгчийн Чех улс дахь айлчлалын үеэр талууд худалдаа, аж үйлдвэрийн чиглэлээр хамтран ажиллаж, хүнс, хөдөө аж ахуйн салбарын харилцааг улам өргөжүүлэн хөгжүүлэх талаар санал солилцож байгаа онцлог айлчлал болж байна.

Гэр бүл, хөдөлмөр нийгмийн хамгааллын сайд Л.Энх-Амгалан ингэж ярилаа.

Стандарт, хэмжил зүйн газар цахим шилжилтийн хүрээнд 24 үйлчилгээг цахимжуулах ёстой.

Өнөөдрийн байдлаар 2 үйлчилгээг бүрэн цахимжуулж, 8 үйлчилгээний ажлыг гүйцэтгэж байна.

Энэ оны сүүлч гэхэд бүх үйлчилгээг эхний байдлаар цахимжуулж иргэддээ үйлчилж эхлэх зорилт тавьсан гэж Стандарт хэмжил зүйн газрын Мэдээллийн технологи, стандартын лавлагаа, сургалтын төвийн дарга н.Содном ярилаа.

УБТЗ өнгөрсөн онд 33,4 сая тоннд ачаа тээвэрлэсний 12,6 сая тонн нь орон нутгийн, 20,8 сая тонн нь гадаад худалдааны ачаа буюу экспорт, импорт, транзит ачаа тээвэр эзэлж байна.

Харин ирэх 2030 он гэхэд ачаа эргэлтээ нэмэгдүүлж, 50 сая тн-д хүргэхийг зорьж байна.

Энэ зорилтыг биелүүлэхийн тулд юуны өмнө тээвэрлэх хүчин чадлаа нэмэгдүүлэх ажлуудыг шат дараатайгаар хийнэ гэж “Улаанбаатар төмөр зам” Хувь нийлүүлсэн нийгэмлэгийн Тээвэрлэлт, хөдөлгөөн хариуцсан орлогч дарга н.Амарбаясгалан ярилаа.

Стандартын хэрэгжилт, хяналтыг сайжруулахын тулд мэргэжлийн хяналтын байгууллагыг сэргээх хэрэгтэй юу.

Энэ сэдвээр бэлтгэсэн сурвалжилгыг одоо сонсгоё.

Нийслэлийн иргэдийн эрүүл, ая тухтай амьдрах орчныг бүрдүүлэх зорилгоор нэгдсэн хяналт шалгалт хийж эхэллээ.

Энэ хүрээнд газар ашиглалтыг сайжруулах, явган хүний зам, талбайн хүрэлцээ хангамжийг нэмэхийн зэрэгцээ шалгалтаар илэрсэн зөрчлүүдийг арилгахад анхаарна.

Нийслэлийн арав гаруй мэргэжлийн байгууллага хамтран ирэх тавдугаар сарын 10-ныг хүртэл шалгалтыг үргэлжлүүлнэ гэж Улаанбаатар хотын Захирагчийн ажлын албаны Хот тохижилтын хэлтсийн дарга н.Даваабаяр ингэж ярилаа.