Movies

വലിയ പ്രതീക്ഷയില്‍ വന്ന് തിയേറ്ററില്‍ അമ്പേ പരാജയപ്പെട്ടുപോകുന്ന ചില സിനിമകളുണ്ട്. പ്രീ പബ്ലിസിറ്റിയും താരമൂല്യവുമാണ് ഇത്തരം സിനിമകളുടെ
പ്രതീക്ഷ വലുതാക്കുന്നത്. എന്നാല്‍, അതിനൊത്ത് ഉള്ളടക്കത്തില്‍ ഗുണം പുലര്‍ത്താന്‍ കഴിയാതെ പോകുന്നതോടെ ഇവ ബോക്സ് ഓഫീസ് ദുരന്തമാകുന്നു. ഷോറീല്‍: എന്‍.പി മുരളീകൃഷ്ണന്‍. അവതരണം: രമ്യ ഹരികുമാര്‍. എഡിറ്റ്: ദിലീപ് ടി.ജി

സൂപ്പര്‍താരം എന്ന പകിട്ടിന് ബലമേകാന്‍ ബോധപൂര്‍വ്വം ചേര്‍ക്കുന്ന എടുത്തുകെട്ടുകളൊന്നുമില്ലാതെ തന്നെ സ്‌ക്രീനിലെ തന്റെ അപാരമായ ഗരിമ കൊണ്ടാണ് മമ്മൂട്ടി ഒപ്പമഭിനയിക്കുന്ന മറ്റേതൊരു ചെറുപ്പക്കാരനേക്കാളും ഈടുറ്റ സാന്നിധ്യമാകുന്നത്. ആ ശരീരവും കണ്ണുകളും മുഖപേശികളും ശബ്ദവുമെല്ലാം സാന്നിധ്യമറിയിക്കുന്നു ഷോ റീല്‍ എന്‍.പി മുരളീകൃഷ്ണന്‍. അവതരണം: രമ്യ ഹരികുമാര്‍ എഡിറ്റ്: ദിലീപ് ടി.ജി

ഈ സിനിമകളിലെ ഓരോ സീനുകളും ഡയലോഗുകളും കാണാപ്പാഠമാണ്. ഇവയിലെ തമാശകളാകട്ടെ നിത്യജീവിതത്തിന്റെ ഭാഗമെന്നോണം ഒരുമിച്ചു വളരുന്നവ. മലയാളി ദിവസജീവിതത്തോട് പ്രയോഗങ്ങളായും ശൈലികളായും കൊരുത്തു ചേര്‍ക്കപ്പെട്ടവയാണ് ഈ സിനിമകളിലെ സംഭാഷണങ്ങളും സന്ദര്‍ഭങ്ങളും തമാശകളും. ഷോ റീല്‍ എന്‍.പി മുരളീകൃഷ്ണന്‍. അവതരണം: രമ്യ ഹരികുമാര്‍ എഡിറ്റ്: ദിലീപ് ടി.ജി

ഏതെങ്കിലും സ്ഥലത്ത് ഒറ്റപ്പെട്ടു പോകുന്ന ആകസ്മികാനുഭവങ്ങള്‍ ഒരു പക്ഷേ ജീവിതത്തില്‍ സംഭവിച്ചേക്കാം. തീര്‍ത്തും സാധാരണമായി പൊയ്ക്കൊണ്ടിരുന്ന ജീവിതത്തില്‍ പൊടുന്നനെയായിരിക്കാം ഇത്തരം അപായങ്ങള്‍ സംഭവിക്കുക. ഇത് ജീവിതത്തെ ആകെ കീഴ്മേല്‍ മറിക്കും. തനിച്ച് രക്ഷപ്പെടാനുള്ള ഉപായങ്ങള്‍ പലതും തേടും. പരിസരത്ത് ആരുമില്ലെങ്കിലും ആരെങ്കിലും ഉണ്ടായിരുന്നെങ്കില്‍ എന്ന പ്രതീക്ഷയില്‍ രക്ഷയ്ക്കായുള്ള പരിശ്രമങ്ങള്‍ തുടരും. ഇത്തരം അപകടസന്ധികളില്‍നിന്ന് ജീവിതത്തിലേക്കുള്ള മനുഷ്യന്റെ തിരിച്ചുവരവിനെ സിനിമ എല്ലാ കാലത്തും പ്രമേയമാക്കിയിട്ടുണ്ട്. ഷോ റീല്‍. എന്‍.പി മുരളീകൃഷ്ണന്‍. അവതരണം: രമ്യാ ഹരികുമാര്‍. എഡിറ്റ്: ദിലീപ് ടി.ജി

ഹൃദയത്തിലേക്കുള്ള വഴി ആമാശയത്തിലൂടെയുമാകാം. നല്ല ഭക്ഷണം ഇഷ്ടപ്പെടാത്ത ആരുണ്ട്. നിത്യക്ക് അരുണ്‍ പരിചയപ്പെടുത്തുന്നത് ബണ്‍ പൊറോട്ടയും ബീഫുമാണ്. 'ഇവിടെ നല്ല പൊറോട്ടോയും ബീഫും കിട്ടുന്ന ഒരു കടയുണ്ട്, നമുക്ക് അവിടേക്ക് പോയാലോ?' എന്നാണ് അരുണ്‍ നിത്യയോട് പറയുന്നത്. അവരുടെ ബന്ധം വളരുന്നത് വാഴയിലയില്‍ വിളമ്പുന്ന ഈ രുചിയിലൂടെയാണ്. നാവിലെ രുചിക്കൊപ്പം തുടരുന്ന സംസാരം അവര്‍ക്കിടയില്‍ ഹൃദയത്തിലേക്കുള്ള എളുപ്പവഴിയാകുന്നു. ഷോ റീല്‍ എന്‍.പി മുരളീകൃഷ്ണന്‍. അവതരണം: അഞ്ജന രാമത്ത് എഡിറ്റ്: ദിലീപ് ടി.ജി

കുട്ടിക്കാലത്ത് കേട്ട കഥകളില്‍ പലതും വളര്‍ച്ചയില്‍ മറന്നുപോകുന്നുവെങ്കിലും ഭയത്തിന്റെ കഥകള്‍ ആഴത്തില്‍ തന്നെ വേരൂന്നാറുണ്ട്. ഭയം അത്രമേല്‍ ആദിമവികാരമായതുകൊണ്ടാകാം അതിനോടുള്ള മനുഷ്യന്റെ ഈ പ്രതിപത്തി. രാത്രികളില്‍, ഇരുട്ടില്‍, തനിച്ചാകുന്ന വേളകളില്‍, ഒറ്റപ്പെട്ടുപോകുന്ന ഇടങ്ങളില്‍, വന്യവും പ്രാകൃതവുമായ പ്രദേശങ്ങളില്‍ എല്ലാം ഭയം സിരകളിലേക്ക് പടര്‍ന്നുകയറുന്നു. താന്‍ പോലുമറിയാതെയാകും അതിന്റെ ആഗമനം. പിന്നെ വിട്ടുപോകാതെ പിടിമുറുക്കുകയും ചെയ്യും. ഷോറീല്‍ എന്‍.പി മുരളീകൃഷ്ണന്‍. അവതരണം; രമ്യ ഹരികുമാര്‍. എഡിറ്റ് ദിലീപ് ടി.ജി

'പിസ്ത സുമാ കിറാ സോ മാറി ജമാ കിറായാ...' കേട്ടിട്ടില്ലാത്ത കുറേ വാക്കുകള്‍, ഒരര്‍ഥവുമില്ലാത്ത കുറച്ചു വരികള്‍. പക്ഷേ പിസ്തയുടെ താളത്തിനൊപ്പം ചുവടുവയ്ക്കാത്ത ആരെങ്കിലും ഉണ്ടോ? അതാണ് ആ പാട്ടിന്റെ വിജയവും. അല്‍ഫോന്‍സ് പുത്രന്‍ സംവിധാനം ചെയ്ത് ഒരേ സമയം തമിഴിലും മലയാളത്തിലും ഇറങ്ങിയ 'നേരം' എന്ന സിനിമയുടെ പ്രൊമോ സോങ്ങായാണ് 'പിസ്താ ദ് ആന്തെം' പുറത്തിറങ്ങിയത്.
യൂട്യൂബില്‍ ഇറങ്ങി ഞൊടിയിടയില്‍ പാട്ട് വൈറലായി. അവിചാരിതമായാണ് ഈ അര്‍ഥമില്ലാത്ത വരികള്‍ സിനിമയിലേക്ക് രംഗപ്രവേശം ചെയ്തത്. ആ കടന്നുവരവിനെക്കുറിച്ച്. തയ്യാറാക്കി അവതരിപ്പിച്ചത്: മേഘ ആന്‍ ജോസഫ്

സര്‍വഗുണസമ്പന്നനായ നായകനും ദോഷങ്ങളും ദുര്‍ചെയ്തികളും മാത്രം കൈമുതലായുള്ള പ്രതിനായകനും. ഇവര്‍ തമ്മിലുള്ള പോരിനൊടുവില്‍ നന്മയുടെ പ്രതിനിധിയായ നായകന്‍ അന്തിമവിജയം കൈവരിക്കുകയും തിന്മ മണ്ണടിയുകയും ചെയ്യുന്നു. ഈ നന്മ- തിന്മ ദ്വന്ദ്വങ്ങള്‍ക്കിടയില്‍ കാലങ്ങളായി നിലനിന്നുപോരുന്ന ശീതസമരങ്ങളാണ് പുരാണേതിഹാസങ്ങളും മുത്തശ്ശിക്കഥകളും അടിസ്ഥാന വിഷയമാക്കിയത്. സ്വാഭാവികമായും ഇത്തരം കഥകളെ പിന്‍പറ്റി സിനിമാക്കഥളുടെയും അടിസ്ഥാന പ്രമേയം അത്തരത്തിലുള്ളതായി. ഭൂരിഭാഗം സിനിമകള്‍ക്കും നായകനും വില്ലനും, നന്മയും തിന്മയും പശ്ചാത്തലമായി.

നന്മ തന്നെയാണ് ആത്യന്തികമായി വിജയം കാണേണ്ടതെങ്കിലും തിന്മകള്‍ക്കു പിന്നിലുണ്ടായേക്കാവുന്ന ആര്‍ദ്രമായ അടരുകളും മാനുഷികതലവും തേടിയുള്ള അന്വേഷണം ഇടയ്‌ക്കൊക്കെ സംഭവിച്ചുകൊണ്ടിരുന്നു. സിനിമകളുടെ പ്രമേയത്തിലെ ഈ വേറിട്ട അന്വേഷണത്തെ പ്രേക്ഷകര്‍ എപ്പോഴും പുതുമയോടെ വീക്ഷിക്കാന്‍ ശ്രദ്ധിച്ചു. ഏറ്റവുമൊടുവില്‍ ബേസില്‍ ജോസഫിന്റെ 'മിന്നല്‍ മുരളി'യിലെ പ്രതിനായകനിലാണ് കാണികള്‍ ഇത്തരത്തിലുള്ള ഗുണവിശേഷം കണ്ടത്.

ഈ വരുന്ന ക്രിസ്മസിന് നെറ്റ്ഫ്ലിക്സിലൂടെ പുറത്തിറങ്ങുകയാണ് 'മിന്നല്‍ മുരളി'. മലയാളത്തിലെ ആദ്യ 'സൂപ്പര്‍ ഹീറോ' ചിത്രം എന്ന ഖ്യാതിയുമായാണ് ചിത്രം എത്തുന്നത്. ചിത്രത്തെക്കുറിച്ചും പ്രതീക്ഷകളെക്കുറിച്ചും സംസാരിക്കുകയാണ് നായകനായ ടോവിനോ, സംവിധായകന്‍ ബേസില്‍, നിര്‍മാതാവ് സോഫിയ പോള്‍ എന്നിവര്‍.
തയ്യാറാക്കിയത്: അഞ്ജയ് ദാസ്. എഡിറ്റ് ശരണ്‍ ബാരെ

ദിവ്യ എം. നായര്‍ എന്നു പറഞ്ഞാല്‍ ചിലപ്പോള്‍ മലയാളികള്‍ക്ക് പെട്ടെന്നു മനസിലാവില്ല. പക്ഷേ, കരിക്കിലെ ചേച്ചി എന്നു പറഞ്ഞാല്‍ ഒരു മുഖം പതിയെ തെളിഞ്ഞുവരും. ഭീമന്റെ വഴി എന്ന കുഞ്ചാക്കോ ബോബന്‍ ചിത്രത്തിലെ കൗണ്‍സിലര്‍ റീത്തയായി നിറഞ്ഞാടുകയാണ് ദിവ്യ. ഒരു തുള്ളി പോലും ഇരിപ്പില്ലേയെന്ന് ഭീമനോട് ചോദിക്കുന്ന, തല്ലുകൊള്ളിത്തരം കണ്ടുപിടിച്ച കൊസ്തേപ്പിന്റെ നെഞ്ചു നോക്കി ചവിട്ടുന്ന തന്റേടിയാണ് റീത്ത. റീത്തയിലേക്കുള്ള വഴിയിലേക്ക് എത്തിയതെങ്ങനെയെന്ന് മാതൃഭൂമി ഡോട്ട് കോമിനോട് മനസു തുറക്കുകയാണ് ദിവ്യ. അഭിമുഖം തയ്യാറാക്കിയത്. അഞ്ജയ് ദാസ്.എന്‍.ടി. എഡിറ്റ് ദിലീപ് ടി.ജി