Myrkraverk Podcast

Síðasti þáttur annarar seríu...
Við fáum til okkar hana Tinnu Björk Kristinsdóttur, þáttastjórnanda hlaðvarpanna "Þarf alltaf að vera grín" og "Misteríu" til að ræða við okkur um mál Madeleine McCann. 
Við förum saman yfir atburðarásina þetta örlagaríka kvöld, þeim helstu grunuðum, og veltum upp mögulegum skýringum. 

Í þessum þætti förum við yfir meinta morðkvendið, Elizabet Bathory, sem var uppi í kringum árið 1600. Hundruðir ungra kvenna úr nálægum sveitum fóru að hverfa, og fóru að hreyast sögur af ægilegra grimmd Elizabeth, sem baðaði sig í blóði ungra meyja og pyntaði á hrottafengna vegu. 
Við förum aftur í tímann, og spáum í kenningar Freud og Skinner, um af hverju við fremjum glæpi.

Við förum yfir líkelga fyrsta net-költinn, og hina umdeildu Teal Swan sem honum stýrir.
Hún býr yfir yfirnáttúrulegum öflum, og allri heimsins þekkingu í leið sinni að hjálpa fólki. 
Við skoðum í minningar, bældar minningar og hvernig falskar minningar geta orðið til. 
Jói fer svo yfir Stóra Fjárafelmtrið (e. satanic panic) sem stóð yfir í Bandaríkjunum um um 10 ára skeið. 

Við förum yfir mál John List, fjölskylduföðurs sem hvarf. Fjölskylda hans fannst myrt í húsi þeirra, og John var horfinn. Allar ljósmyndir af honum voru horfnar, og virtist engin leið til að finna hvar hann var niðurkominn. 
Við kíkjum einnig aftur í tímann, og spjöllum um brautryðjanda í afbrota- og afbrotasálfræði, hana Pauline Tarnowsky. 

Við reimuðum á okkur hámenningarskóna og fórum í leikhús!
Við förum yfir mál Ísdalskonunnar, sem fannst illa brunnin í afskekktum dal í Noregi árið 1970, og dularfull atriði hrannast upp um sögu þessarar konu. Við tökum í lokin viðtal við leikskáld, og aðalleikara leikritsins sem byggir á ferðalagi hans á staðinn sem þessi atburður átti sér stað og hans eigin rannsókn á málinu sem leikritið fjallar um.

Í þessum þætti förum við yfir morðin á Banaheia í Noregi, umdeilda sakfellingu og jafnvel minnumst á hvernig lík eru geymd á búgörðum...

Í þættinum förum við yfir mál Honey Malone. 
Hún fannst látin í íbúð við undarlegar aðstæður í Atlanta. Málið virtist ekki ganga og sett til hliðar í allmörg ár áður en nýjar upplýsingar koma í ljós. Við fáum einnig ráðgjöf lögfræðings í þættinum.

Við fjöllum eitthvað um mál Debbie Wolfe, sem fannst í tunnu út í litlu vatni. Einbeitingin er mögulega verri en vanalega, og tölum einnig um matarstell,jólamyndir, drukknun, nýjan sponsor, jólagjafir, óhapp á Tinder o.fl. o.fl...

Í þættinum í dag fáum við til okkar unga konu, sem í mörg ár bjó við ofbeldisfullt samband. 
Hún segir frá lífi sínu, ofbeldinu, óttanum og reynum að skyggnast inn í hugarheim geranda í slíkum samböndum. 

Þessi þáttur er með breyttu sniði. Við ætluðum að taka viðtal við unga konu, og heyra sögu hennar úr ofbeldissambandi, en veðrið lék okkur grátt og þurftum að fresta.

Því er þetta óundirbúinn þáttur (því við vildum ekki svekkja ykkur með engum þætti) þar sem við leyfum hlustendum aðeins að kynnast okkur og spjalla um hitt og þetta.