Þessi síðasti þáttur hefst í miðjum eltingaleik og allt í einu eru allir á leiðinni á Ægissíðu, meira að segja amman sem fer aldrei út úr húsi. Flækjan virðist óleysanleg.

Hosted on Acast. See acast.com/privacy for more information.

Eins og fram kom í síðasta þætti gleymdist pakkinn góði í strætóskýlinu á Ægissíðunni. Nú eru góð ráð dýr. Það kemur svo í ljós að pakkinn er langt frá því að vera óhultur, hann kemst í hendurnar á manneskju sem reynist áður en yfir lýkur vera flagð undir fögru skinni. Amma sér í sjónaukanum sínum að áætlunin er öll úr skorðum og því þarf hún að taka erfiða ákvörðun.

Hosted on Acast. See acast.com/privacy for more information.

Úlla og Mási eru komin í strætó þar sem þau hitta Aron sem segist vera strætóbílstjóri. Þau hafa ekki fyrr jafnað sig á sprengingunni sem heyrðist í lok síðasta þáttar þegar þau uppgötva að þau hafa misstigið sig, planið hennar ömmu er úr skorðum gengið og þau þurfa að bjarga málunum. Skarphéðinn kennari uppgötvar loksins að Úlla og Mási eru horfin á braut og það verður uppi fótur og fit í skólanum.

Hosted on Acast. See acast.com/privacy for more information.

Ferðalagið með pakkann leiðir Úllu og Mása í strætóskýli á Ægissíðu þar sem þau hitta afar sérstaka konu. Amma er hins vegar heima eins og reyndar alltaf, hún fer nefnilega aldrei út. Hún er alltaf mikið í símanum og í þessum þætti fær hún dularfull símtöl úr ýmsum áttum. Mási og Úlla komast að lokum í strætó.

Hosted on Acast. See acast.com/privacy for more information.

Skarphéðinn kennari er spenntur fyrir keppni í pylsuáti sem er hápunktur sumarhátíðar skólans en vinirnir Úlla og Mási láta sér fátt um finnast, þau eru með hugann við verkefnið sem amma Úllu hefur fengið þeim. Þau eiga að koma pakka til skila en vandamálið er að þau hafa ekki hugmynd um hvert ferðinni er heitið, þau vita ekki einu sinni hvað er í pakkanum. En þau halda nú samt af stað.

Hosted on Acast. See acast.com/privacy for more information.