Alemaniako Oihan Beltzetik abiatu eta Itsaso Beltzerainoko bidea egin zuen piraguaz Angel Cuerdo bidaiariak. 1999. urtea zen orduan eta hainbat herrialde Balkanetako Gerran murgilduta zeudenez bidaiak arrisku eta zailtasun bereziak izan zituen. Baina egun edonork burutzeko moduko bidaia dela azaldu du Cuerdok eta xehetasun ugari eman ditu inork plan hori burutu nahiko balu. Euskal Herrian berriz, hurbilago dugun Bidasoa ibaiaren jaitsiera gomendatu du, eta Kayak Basque Countryko Aitor Goikoetxeak azaldu digu nola burutu ohi dituzten taldeko irteera hauek Bidasoa ibaian barrena Kantauriar Itsasora heltzeko. 

40ko hamarkadako oroitzapenak baditu Kontxita Beitiak. Umea zen aita eta amarekin batera, afalostean «ixil-ixilik eta bolumena baju» zegoela irrati hura entzuten zuenean. Hiruzpalau urtetatik entzuten zuela oroitzen du. Hantxe ziren, uhinen beste aldean Aita Olaso edota Salvador de Madariaga. Atzerritik Espainiara eta bereziki, askotan, Euskal Herrira emititzen. 

Basque Culinary Centerren egin zituen ikasketak eta aspalditik sukaldaritza pasioz bizi duen pertsona da Javi Rivero; hori da Ama Tabernan trasmititzen saiatzen direna. 'Bigarren Kafea'-k ostegunero izango du Rivero gastronomiaren inguruan zabal aritzeko. Harekin batera, gaur Iban Aznarrek kafearen inguruko hainbat xehetasun eta gomendio eman ditu, jatorriak, motak, eta honen prozesua ere azalduz. 

'Bigarren Kafea'-ra gonbidatuko dugu astero Donna Apellaniz Nieto emozioetaz hitz egiteko. Itxialdi egoera honetan bizi ditugun sentipenak aztertu ditugu eta hainbat entzuleren zalantzak argitu.

'Physis Versus Nomos' taldeko Beñat Antxustegik 'Arraro Nioenean'  azken lana aurkeztu du 'Bigarren kafea' magazineko akustikoan.