Bizipoza Eskola egitasmoa jarri du abian Bizipoza Elkarteak. Nerea Godoy Fuentes elkarteko kideak Bigarren Kafean azaldu digun moduan, «guztiontzako behar lukeen Euskal Herria lortzeko bidean, tresna berri bat da»

Oiartzungo El Watan elkarteak urtero egiten du bidaia Saharar kanpalekuetara. Abenduaren hasieran izan ziren han, eta gaur Bigarren Kafean izan dira esperientziaz hitz egiteko eta hango errealitatea ekartzeko.

Hilabete eskas Aitor Martinezek JAI/EGUN proiektuarekin 'Argiek istilu' diskoa kaleratu zuela. Lehen bakarkako lan honen nondik norakoak ezagutzeko izan dugu Bigarren Kafean. Espero ez zituen erreakzio positiboak jaso dituela aitortu digu: «emozionatuta nago, ea zuzenean jotzeko aukerak ditudan».

Goiatz Labandibar idazlea izan da aste honetako 'Doinuetatik Haratago' tarteko gonbidatua. Bere kantu kuttun batzuk gomendatu nahi izan dizkigu telefonoaren bestaldean.

Liburu bat eta mila liburu. Mila izarren hotelaren paradoxa eta mina. Hamadako desertua, eta herri ahaztuaren erretratua. Mila gauen gatazka. Saharar herriari idazteko moduak asko daude, baina akaso onena eta bakarra aukeratu du Kristina Berasain Tristanek; Emozioa. 

Bertsolaritzaren 10 eszena ezberdin dakartza Ño komiki-liburu berriak. Miren Artetxe eta Eli Pagola bertsolariek eta Maitane Gartziandia ilustratzaileak elkarlanean sortutako proiektuaren berri ematera etorri dira Durangoko Azokan Bigarren Kafera.

Kontundentzia musikan eta kontudentzia hitzetan. Igogailuetan edo dendetan jartzen den musikarekin du zerikusia Muzak kontzeptuak, baina Joanesek, Rubenek eta Aitorrek osatzen duten izen bereko taldeak ekidin egiten ditu zeharkako bideak eta zuzen-zuzen iristen da entzulearengana.

Larunbat gaueko azken kontzertua izan zen Ibil Bedirena. Ilara luzea sortu zen Ahotsenearen atarian, Durangoko Azokaren goxotasunean ‘Xirarena’ edo ‘Litekeenarena’ abesteko. 

Hamaika pertsona ezagunen testigantzak jasota osatu du Jasone Osorok ‘Arrakasta’ liburua. «Zerrenda luze bat egin nuen eta jaso nituen lehen hamaika baiezkoak sartu dira liburuan» idazleak Bigarren Kafean esan duenez.