Hamaika pertsona ezagunen testigantzak jasota osatu du Jasone Osorok ‘Arrakasta’ liburua. «Zerrenda luze bat egin nuen eta jaso nituen lehen hamaika baiezkoak sartu dira liburuan» idazleak Bigarren Kafean esan duenez.

‘Itzulerak’ liburua aurkeztu du Durangoko Azokan Miren Agur Meabek, orainaldia eta iraganaren arteko dantza; abentura geografiko eta espirituala; baina finean, bazterretan utzitako beste emakume baten istorioa. 

Jesusi Etxebarriak 81 urte ditu. 50 urtetik gora eman ditu musika irakasle lanetan eta Arrasateko belaunaldi ezberdin ugari pasa dira bere eskolatik. Perlata taldeak ‘Punkaren beste aldea’ dokumentalarekin egin dio aitortza.

Galdera asko jarri ditu mahai gainean Irati Goikoetxeak ‘NOR’ liburuarekin. Bost nerabe ditu protagonista eta beraien elkarrizketa eta hausnarketek bide ematen diote irakurleari galdera ugariren inguruan bere hausnarketa propioak egiteko.

'Zaintzaren hariak' liburua aurkeztu du gaur Felix Arrieta Frutosek Landako Gunean. Zaintza erdigunean izan beharko lukeen baina ez daukan sistemaren berraldaketa proposatu digu Arrietak aitari eskaini dion liburuan. 

Musika ardatz duen liburu bat idatzi du Lide Hernando Muñozek. 'Izotz Ura' lanean, Saioa eta Mara ezagutuko ditugu, eta bien arteko harremanaren eraldaketaren bidez, laguntasunaz, doluaz, musikaz eta minaz hitz egin digu Hernandok. 

Moxalen hirugarren lana da ‘Nabar’. Mimo handiz landutako hamar abesti bildu ditu Hannot Mintegiak baina bidelagun eta leku ugari izan ditu bidelagun sortze prozesuan. «Ekoizpen handia duen disko bat» bezala definitu du sortzaileak.

Irailean argitaratu zuen Xabier Mendigurenek 'Oso Latza Izan Da' liburua; Joxe Arregiren heriotza eta tortura salatzeko haren gorpuari egin zizkioten argazkien kronika hunkigarria. «Liburua bizirik dago, jendeak deitzen dit eta anekdota berriak kontatzen dizkit» kontatu digu Mendigurenek

Lehen aldiz Durangoko zurrunbiloan lana kaleratzen duten horien zirrara benetan berezia da. Irribarre horrekin izan ditugu gurean Lilo taldekoak. 'Nora goazen jakin gabe' lehen kantu bilduma aurkeztera etorri dira Maria eta Pello, taldearen azken urteko lana biltzen duen diskoa.

Touré sagarekin hasi zenean, Jon Arretxek ez zuen trilogia bat idatzi nahi, eta berehala argitaratu zuen laugarrena. Ez zuen bost liburu bilduma bat egin nahi, eta azkar batean idatzi zuen seigarrena. Horrela, hamargarrena iritsi den arte, 'Musker Amarruak'. Gaur aurkeztuko du Durangoko Azokan.