Ganibet Sakanako taldea eta Irune Ziztada rap-abeslari bilbotarra elkartu dira Lezon egingo den topagunerako soinu-banda sortzeko.

Baserrian jaio, hazi eta bizi den goizuetarra da Rig3l. Baratzean aritzen da lanean, eskuak lurrez zikintzen ditu, kontaktu zuzena du naturarekin, beraz. Baina, denbora librean, baserriko zoko batean, musika urbanoa lantzen du. Horren adibide da 2023 bukaeran kaleratutako ‘Azeriak’ diskoa.

2023ko uztailaren 8an kontzertu berezia eskaini zuen Skabidean taldeak Iruñeko Konpainia plazan. Orain arte kontzertu hura entzuteko aukera izan dugu, orain, ikustekoa ere bai. Egun hartakoak eta datozenak kontatu dizkigu Antonio Iriarte taldekideak MusikHaria saioan.

‘Ongi etorri’ batekin hasten du Gari Uriartek eta Beñat Oribek osatutako Dupla bikoak ‘De un pueblo llamado Agurain’ disko berria. Aniztasuna duen lana da, espero ez dugun kanturen bat edo beste gordetzen duena, baina, batez ere, dibertitzeko sortu dutena. Xehetasun guztiak kontatu dizkigute.

2018an bukatu zuen Vendetta taldeak bere bidea, baina ordurako ZETAK unibertsoa garatzen ari zen Pello Reparaz. Musika-industriaren bueltan, ZETAK nola dagoen, industria bera nola ezagutu duen eta haren barruan Pello Reparazek nolako bilakaera izan duen jakin nahi izan dugu bere ahotik.

Hilabeteko hirugarren tartea osatu du Iker Bárbarak aste honetan MusikHaria saioan. Lau abesti berri luzatu dizkigu.

Musikan ibilbide luzea jorratu duen arren, Intzaren (Orio, 1996) lehen disko luzea da ‘Aheri’. 2021ean atera zuen lehen EParen ostean, aldaketa nabarmena eman du bere musikan eta heldutasuna ere nabari zaio oriotarraren diskoari. MusikHaria saioan aurkeztu digu.

1994tik 2024ra, hamar urteko saltoak eginaz, astero lau abesti ekartzen dizkigu Izkander Fernandezek MusikHaria saiora.

Goi mailako musika ikasketak egin eta gutxira kaleratu du lehendabiziko lana Oihana Rodriguez Ordoñez (Zumaia, 1999) musikariak. Akaleia deitu dio bere proiektu pertsonalari eta ‘Ondoloin’ izeneko diskoa da kaleratu duen lehendabizikoa. NAIZ Irratiko MusikHaria saioan aurkeztu zigun xehetasun osoz.

Pello Armendariz eta Borja Antón musikari donostiarrek sortu duten proiektu berriak argia ikusi du. Lehendabiziko abestia bideoklip indartsu batekin kaleratu dute eta guztia aurkeztuz izan dira NAIZ Irratiko uhinetan.