«Askotan aditu hitza erabiltzen duzu baina gaurkoan ez naiz. Gustatzen zaizkidan artistak dira, musika beltza eta emakumeak uztartzen direna. Egun musika beltzetik kanpora, akaso, elektronika izan daiteke», hasi du aste honetako tartea Izkander Fernandezek.

100. aldiz egin du aste honetan Iker Bárbara kazetari bilbotarrak ‘Zarata’ tarteal. Hori dela-eta, «ehun saio txapa ematen» esan digu Iker Bárbarak txantxetan.

Askori ezaguna egingo zaio Julen Leturiondoren ahotsa NAIZ Irratiko uhinetatik, bertan aritzen baita kantu hautaketak egin eta horiek aurkezten. Oraingoan, ordea, diskoa kaleratu duelako izan da MusikHaria saioan, ‘Bihotzera giltza’ izenekoa, eta ekainaren 22an aurkeztuko du bere herrian, Eibarren.

Ekainaren 15etik 17ra egingo da aurtengo Azkena Rock Festival jaialdia Gasteizko Mendizabalan. Urtero izan da bertan Izkander Fernandez eta berarekin egin dugu 2023ko jaialdiaren inguruko errepasoa bertara joan aurretik.

Lan laburra den arren, su txikian egositakoa da ‘Erori behar haina’ Nahiak Nahi taldearen diskoa. Abesti berriak aurkezten hasita daude zuzenean, eta, hurrengoa, ostegun honetan, hilak 15, Iruñeko Oko Andre Mariaren plazan izango da. MusikHaria saioan izan da Nahia Ojeta taldeko abeslaria.

Oportoko Primavera Soundeko ajearekin iritsi zaigu aste honetan Iker Bárbara kazetari bilbotarra ‘Zarata’ tartera. Nekatuta baina pozik agertu da lau egunez Portugalen bizitakoarekin. Nekeak neke, asteroko uzta ekarri digu MusikHaria saiora, eta ez nolanahikoa, gainera.

«Bruselas inguruan eta Anberesen izan gara My Morning Jacket taldea ikusten beste behin ere, eta giro kuriosoa izan zen bisita, bertako futbol taldeak 1959tik lehenengo aldiz liga irabazi zuelako 94. minutuan. Ea Bilbon jotzera etortzen diren laster», hasi du bere tartea Izkander Fernandezek.

Lide Hernandoren (Liher) musika proiektu berria da Bele, pop-a eta musika beltza uztartzen dituena, eta aurkezpen txartel gisa ‘Zerua irabazi’ singlea eta bideoklipa sareratu ditu: zintzotasunaren diktaduraz dihardu kantuak.

Kantuak berenak izan ordez besteenak bailiran aurkeztu ditu Ibil Bedi taldeak ‘‘Goldea’’ disko berrian: ‘‘Xirarena’’, ‘‘Lokatzarena’’… Izan ere beren musikak badu hortik, besarkatu egiten zaitu eta zure bihurtzen duzu. Bilboko Kafe Antzokian aurkeztuko dute ekainaren 8an, ostegunarekin. 

Talde bizkaitarrak lan berria kaleratu du eta horren lagin bat ekarri digu aste honetan Iker Bárbara, Zarata Mondo Sonoro aldizkariko zuzendariak. Horrez gainera, Belakoren berriena, Hofe eta La Élite taldearen arteko kolaborazioa eta Agara proiektu interesgarria ere ekarri dizkigu bilbotarrak.