Haurrek jai egunak dituztela aprobetxatuz, Malen Gurrutxaga izan da MusikHaria saioan. Bere kantu kuttunen zerrenda eta musikarekin duen lotura kontatu dizkigu ia ordubetez. Hizketarako jarioa odolean daramala nabaritu zaio aiar txikiari.

Astero moduan hutsik egin gabe izan da astelehen honetan ere Iker Bárbara kazetaria. Hainbat proposamen ekarri dizkigu eta horien inguruan hizketan hasita, teknologiaz hizketan bukatu dugu ustekabean.

Bi nazioetan asko izan dira hizkuntza batean zein bestean aritu diren musikariak. Baita hizkuntza batetik bestera itzulitako abestiak ere. Baina elkarrekin batera abestu dutenak ekarri ditu Marina Landak bere azken kolaborazioan.

Beren ibilbideko seigarren albuma dute ‘Lore hilak’ izenekoa Haxotz taldekoek. Bilbotarrak, Santutxukoak direla argi utzi zuten iaz aurkeztu ziguten bideoklipean. Hardcore melodikoa da haiek gehien lantzen dutena, baina doinu lasaiagoak ere baditu disko berriak. MusikHaria saioan izan dira asteon.

2020an bi tarte egin zituen dentsitate handiko musikarekin Fernandezek. Oraingo honetan, ordea, hiru emakume izan ditu protagonista musika pisutsuaren bueltan.

Hip-hop kulturaren baitan dagoen artista dela esan genezake Bengo (Oiartzun, 1997). Break dantzaria eta abeslaria da eta ‘4 Taupada’ deitutako lana argitaratu du. Kultura horren baitan mugitzen den arren, oso zaila da Bengoren musika estiloa definitzen. MusikHaria saioan izan da diskoa aurkezten.

Etengabe ari dira gauzak iragartzen gure artistak eta, horietako batzuk, beren iragarpenak abesti moduan luzatu dituzte. Gauzak horrela, hainbat proiektu interesgarriren aurrerapen kantuak ekarri ditu aste honetan kazetari bilbotarrak MusikHaria saiora.

Maria izenak adiera desberdinak hartu ditu hiztegian, baita kantugintzan ere. Horrek atentzioa eman dio Marina Landa MusikHaria saioko kolaboratzaileari eta Maria aipatzen duten hainbat kantu ekarri ditu saiora.

Hogeita bi urte Euskal Herritik kanpora eta oraindik ere egunero sumatzen du jaioterriaren falta Julen Giménez Sarasqueta (Donostia, 1980) musikari eta zinema zuzendariak. Beste proiektu batzuetan jardun eta gero, bere bakarkako lehen lan luzea kaleratu du ‘Otra vuelta en la montaña Suiza’.

Azkoitiko, Rio de Janeiroko eta Zarauzko musikariak elkartu eta sortu da UR proiektu musikala. Estilo asko jorratzen dituzten arren, funkya da protagonista nagusia. Euskaraz zein ingelesez abestutako 9 kantuz osatu dute ‘Baleak’ debuteko diskoa. MusikHaria saioan izan dira proiektua aurkezten.