Aurkezpen eskutitza izan zen 2018ko ‘Zintzilik’ eta bigarren lan honetan aurrerapauso nabarmena eman du Olatz Salvador Zaldua (Donostia, 1990) musikariak. Hitz batek duen aldebikotasunak erakarrita, ‘Aho uhal’ eman dio izena kaleratu berri duen diskoari. MusikHaria saioan izan da hura aurkezteko.

Akelarrearekin, orokorrean, sorginen jaia etortzen zaigu burura. Baina musikan? Zenbat adiera desberdin jaso ditu akelarreak musikan? Marina Landak adibide batzuk ekarri dizkigu MusikHaria saiora.

Aurretik musika munduan bakoitzak bere bide egin ostean, hiru urtez lanean jardun eta bere lehendabiziko lana kaleratu du Ondra talde donostiarrak. Xabi Urkia eta Peru Arregi izan dira MusikHaria saioan ‘Su itzaletan’ diskoa aurkezten.

Bizi dugun egoeran ongi jakin dute aurre egiten Marlik taldekoek eta beren bigarren lana kaleratu dute oztopo guztiak gaindituta. ‘Azaletik ezabatu baino lehen’ izeneko diskoa kaleratu zuten Durangoko Azokarako justu-justuan. David Gorriti eta Maialen Velarde taldekideak izan dira MusikHaria saioan.

Uzta ederra izan genuen 2020an euskal musikan eta 2021ekoa ere hasi da dagoeneko bere fruituak ematen. Baina nazioartekoarekin alderatuz, zertan gabiltza etxean? Ariketa hori egin nahian, hiru proposamen luzatu dizkigu Izkander Fernandezek.

Xatiro ezizena ez dator mitologiatik, satiratik baizik. Unai Undak rap munduan duen goitizena da Xatiro. ‘Xatirokeriak’ edota ‘Cassiopeia’ lanak argitaratu ditu eta orain sorkuntza prozesuan dabil zuzenekoen faltan. Dena dela, ‘Beste bat’ saioak egiteko beta hartu du urtarrileko ostegunetan.

Eurodance estiloa etortzen zaigu burura Gora Etorri Durangoko taldea entzutean. Magali Camarero eta Katalin Garaita izan dira MusikHaria saioan proiektua aurkezten. Izan ere, astearteetan ‘Beste bat’ saioak egiten ari dira urtarrilean.

Urte berriarekin lan berriak bidean dela gauza jakina izaten da eta laster argia ikusiko dute batzuk. 2020a Tendentzia berrien urtea izan dela esan digu Iker Bárbarak eta haien bueltan ibiliko den edota dabiltzan proposamenak luzatu dizkigu MusikHaria saioan.

Pandemiak gauza txar asko ekarri dizkigu, baina baita onak ere. Musikarientzat hain gogorra izan den urtean, musikalki oparoa izan da paradoxa bat dirudien arren. Oparotasun hori ekarri digu Marina Landak MusikHaria saiora.

Noam Chomskyren testuetan oinarritutako 10 abestiko diskoa da ‘Manipulazio estrategiak’. Lan handia, serioa eta ederra Petti (Bera, 1973) artistak kaleratu duen azkena. Azkena, eta momentuz gainera betirako. MusikHaria saioan izan da diskoa aurkezten.