Maite duzunaren galeraren ondoren datorren doluari aurre egiteko terapia izan da ‘Izurdeen lekua’ lantzea Mikel Urdangarinentzat. Pianoaren aurrean jarri eta konposatu ditu kantuak lehenengo aldiz musikari zornotzarrak.

Izkander Fernandezekin ostegunero egiten dugun musika tartean, musikaren ikuspegia zabaldu behar izaten dugu MusikHaria saioan. Hartara, aste honetan punk doinuak ekarri dizkigu, baina ez dugu gandorra erabiltzen zen garaiko punk doinurik entzun.

'Badok' atariko arduraduna da Jon Eskisabel eta bi astean behin bisita egiten digu MusikHaria saiora. Aste honetan 2020ko bukaera honetan berrikuntzak diren lau proposamen ekarri dizkigu musika-kazetariak.

Astelehenetako bazkalosteek izen propioa dute hilabete honetan Naiz Irratian: 'Liher'. Haiek ari dira 'Beste bat' saioak egiten azaroko aste hasieratan eta horren aitzakian Iñigo Etxarri taldekidea etorri da 'MusikHaria' saiora bisitan.

Xabi Hoo aspaldiko ezaguna da musika munduan. Urtarrilaren 25ean agur esan zioten 'Enkore' taldeari 10 urte eta gero eta proiektu pertsonala aurkeztu berri du musikari bilbotarrak.

'Mondosonoro' aldizkariaren euskal edizioa da 'Zarata' eta hura kudeatzen duen Iker Bárbarak astero egiten digu bisita MusikHaria saiora. Azken astean ikusi dituen kantuetatik aukeraketa bat egin eta luzatzen digu astelehenero eta beti zerbait ikasten dugu.

Aurreko diskorako eginda bazuten ere, bidean geratu zen 'Gose' kantua eta orain grabatu eta kaleratzea erabaki dute. Baina 'Sherpa' diskoak bere bidea egin dezan jarraituko dute lanean 'Deus ez' taldekoek berriren bat osatu aurretik. MusikHaria saioan izan dira kantua aurkezten.

Disko berria izango denaren bigarren aurrerapen kantua da 'Zetak' taldearen 'Hitzeman. Kantu honetan euskara eta katalana uztartu dituzte, 'Oques Grasses' taldekoekin batera egindako kantua delako nafarren azken proposamena. Hori guztia kontatzeko Pello Reparaz MusikHaria saioan izan da.

Perry Farrell artistaren atmosferan aritu gara aste honetan Izkander Fernandez musika kritikoarekin. Artista honen ibilbideari errepasoa eman diogu baina, bide batez, 'Groove Armada' taldeak ere protagonismoa izan du.

Bateria-jotzaile bezala ezagutu genuen hasiera batean, baina beti abesten. Gerora ordea, gitarra soinean edota harmonika ahoan dugula ere taularatu da Jon Gurrutxaga musikari elgoibartarra.